श्रीरामपूर-
न्यायालयाच्या आदेशानुसार अहिल्यानगर जिल्ह्यातील ठिक ठिकाणचे अनेक अतिक्रमण काढण्यात आले. त्यामध्ये श्रीरामपूर शहरातील देखील अतिक्रमण मोठया प्रमाणात काढण्यात आले. मात्र तरीही श्रीरामपूर शहराच्या प्रमुख रस्त्यावर दुतर्फा दुकानच्या समोर अनेक वाहन चालक आपली दुचाकी/चारचाकी अस्तव्यस्त लावत असल्यामुळे अनेकदा वाहुतुकीची कोंडी होऊन अडचण येत होती. मात्र अपर पोलिस अधीक्षक सोमनाथ वाघचौरे यांनी नुकतेच सुत्र हाती घेताच वाहनचालकांवर दंडात्मक कारवाई करत संबंधित दुकानदार व व्यावसायिकला देखील सुचना दिल्या.त्यामुळे वाहतुक कोंडी सुटण्याची वाट मोकळी झाल्याने नागरिकांमध्ये समाधान व्यक्त होत आहे.
अशीच कारवाई कायम करण्याची मागणी केली जात आहे.मागील सप्ताहातच अप्पर पोलिस अधीक्षक म्हणून सोमनाथ वाघचौरे पदभार स्वीकारत अप्पर कार्यालयाबाहेर अवैध वाहतुक करतांना प्रशासनाने पकडलेले डंपर, ट्रक, टेम्पो आदी वाहने तालुका पोलिस ठाण्याबाहेर अस्ताव्यस्त पद्धतीने लावण्यात आले होते. प्रथमच ती वाहने व्यवस्थित रित्या बाजुला लावण्यात आल्याने कार्यालयात ये – जा करतांना अडथळा दूर करण्यात आला. यानंतर शहरातील छत्रपती शिवाजी महाराज रोडवर बँका, चहाची दुकाने व इतर व्यावसायिक यांच्या समोर पालिकेच्या पट्टया बाहेर लावली जाणारी वाहनावर कायदेशीर कारवाई करत दंड लावल्याने वाहन चालक देखील आपली वाहने पांढऱ्या रेषेच्या आत पार्क करायला लागली शिवाय व्यावसायिक देखील वाहन चालकांना दंड होईल व्यवस्थित वाहने लावण्याचा सल्ला देत आहे.
दुकानदाराच्या बाहेर रस्त्यावर दुचाकी चालक कुठेही गाडी लावत असल्याने चार चाकी वाहन चालकासमोर वाहन पार्क साठी पर्याय नसतो. त्यामुळे सातत्याने वाहतुकीची कोंडी होत असते. तसेच महाविदयालयाकडे येणाऱ्या – जाणाऱ्या, बिगर नंबर, मोठया आवाजाच्या व सुसाट वेगाने धावणाऱ्या गाड्यावर देखील अपर पोलीस अधीक्षक सोमनाथ वाघचौरे यांनी अशीच कारवाई कायमस्वरूपी सुरू ठेवुन कारवाई करण्याची मागणी सर्वसामान्य नागरिकांकडून होत आहे
