श्रीरामपूर-
महात्मा गांधी चौकासमोरील एका चपलांच्या दुकानासमोर रात्रीतून शेड टाकून अतिक्रमण करण्यात आले होते. याबाबतची माहिती नगरपरिषदचे प्रशासकीय अधिकारी किरण सावंत पाटील व मुख्याधिकारी मच्छिंद्र घोलप यांना मिळाल्यानंतर तात्काळ ते अतिक्रमण काढण्यात आले.महात्मा गांधी चौकासमोरील चपलांच्या दुकानासमोर रात्रीतून शेड करण्यात आले.आज शुक्रवारी सकाळी 11:30 वाजता त्वरित नगरपरिषदेच्या अतिक्रमण विभागामार्फत ते अतिक्रमण केलेले शेड काढण्यात आले. नगर अभियंता सूर्यकांत गवळी, अतिक्रमण विभाग प्रमुख संजय शेळके, प्रशांत जगधने, राम शेळके, सिद्धार्थ साळवे, किशोर कांबळे, रामदास ढोकणे यांच्या पथकाने ही कारवाई केली.शहरातील अतिक्रमणविरोधी कारवाईची मोहीम मंदावली असली तरी नव्याने होणाऱ्या अतिक्रमणाकडे नगरपरिषदेचे बारकाईने लक्ष असल्याचे मुख्याधिकारी मच्छिंद्र घोलप यांनी सांगितले.महात्मा गांधी चौकासमोरील पालिकेच्या गाळाधारकांनी रात्रीतून शेड उभारण्यात आले.याची गंभीर दखल घेऊन शेड काढण्यात आले.तसेच नागरिकांनी व्यापारी यांनी नव्याने अतिक्रमण करू नये,असे आवाहन त्यांनी केले आहे.
