श्रीरामपूर-
श्रीरामपूर शहरातील शिवसेनेचा पदाधिकारी प्रशांत कहाणे यांच्यासह आणखी इतर सात जणांवर एका महिलेच्या तक्रारीवरून ॲट्रोसिटीचा गुन्हा दाखल करण्यात आला आहे.शहर पोलीस ठाण्यात भा न्या सं कलम 189,190,192,351(2),352, अनुसूचित जाती आणि अनुसूचित जमाती अत्याचार प्रतिबंधक अधिनियम 3 (1)(r),3(1)(s),3(2)(va) नुसार सात जणांविरोधात गुन्हा दाखल करण्यात आला आहे.
दोन दिवसांपूर्वीच्या कथित गोळीबार प्रकरणातील हा पदाधिकारी असून त्याच्या विरोधातच महिलेने ॲट्रोसिटीचा गुन्हा दाखल केल्याने या प्रकरणाची चर्चा होत आहे.महिलेने दिलेल्या फिर्यादीत म्हटले आहे की,श्रीरामपूर शहरातील गोंधवणी रोड परिसरात माझी नातवंडं घरापुढे खेळत असताना तिथून भरधाव वेगात एक चारचाकी गाडी गेली. त्या गाडीच्या भरधाव वेगामुळे कोणीतरी त्या गाडीला दगड मारल्यावरुन झालेल्या वादातून आरोपींनी फिर्यादी महिलेला जातीवाचक शिवीगाळ करत जीवे ठार मारण्याची धमकी दिली.महिलेने याबाबत श्रीरामपूर शहर पोलीस ठाण्यात रीतसर तक्रार दाखल केली असून पोलिसांनी त्यावरून गुन्हा दाखल केला.दरम्यान या महिलेच्या तक्रारीवरून शिंदेसेनेचे प्रशांत कहाणेसह विजू कहाणे,संतोष कहाणे,दिगंबर कहाणे,देविदास कहाणे व इतर ०२ अनोळखी व्यक्तींविरोधात हा ॲट्रोसिटीचा गुन्हा दाखल करण्यात आला आहे.
