श्रीरामपूर-
सलग दुसऱ्या वर्षी बाल कलाकारांच्या कलागुणांना वाव देण्यासाठी भव्य गौरी गणेश चित्रकला स्पर्धा भरवून आपण दिलेला शब्द पाळला आहे. पालकांचेही मोठे कौतुक वाटते की, त्यांनी पाल्यांमधील कलाकार ओळखून प्रोत्साहित केले. यापुढील काळातही आपण मतदार संघातील कलाकारांच्या मदतीसाठी कटिबद्ध असल्याची ग्वाही आमदार हेमंत ओगले यांनी दिली
साई सोशल फाऊंडेशन, तुळजा फाऊंडेशन व रंगलहरी आर्ट ॲकॅडमी यांच्या संयुक्त विद्यमाने नुकतीच भव्य गौरी गणेश चित्रकला स्पर्धेचे आयोजन केले होते. यावेळी आमदार ओगले बोलत होते. मंचावर माजी उपनगराध्यक्ष व जिल्हा बँकेचे संचालक करण ससाणे, साईबाबा संस्थानचे माजी विश्वस्त सचिन गुजर, काँग्रेसचे उपाध्यक्ष ज्ञानेश्वर मुरकुटे, ज्येष्ठ चित्रकार भरतकुमार उदावंत, रंगलहरी आर्ट ॲकॅडमीचे संचालक चित्रकार रवी भागवत, माजी जिल्हा परिषद सदस्य बाबासाहेब दिघे, काँग्रेसचे तालुकाध्यक्ष प्रमोद भोसले, शहराध्यक्ष अण्णासाहेब डावखर, कृषी उत्पन्न बाजार समितीचे संचालक राजेंद्र पाऊलबुद्धे, रितेश रोटे आदी उपस्थित होते.
ससाणे म्हणाले, मुलांवर कलात्मक संस्कारकरण्यासाठी पुढील वर्षी पालकांनी त्यांच्यासोबत स्पर्धेत सहभाग घ्यावा. तरच येणारी पिढी ही संवेदनशील घडेल व उज्जवल भारत निर्माण होण्यास मदत होईल.
सचिन गुजर म्हणाले की, शालेय विद्यार्थ्यांच्या कलागुणांना या माध्यमातून वाव मिळतो अतिशय सुंदर चित्र मुलांनी काढले अशा प्रकारच्या स्पर्धा घेणे ही काळाची गरज असल्याचे म्हटले.चित्रकला स्पर्धेत सुमारे दोन हजार विद्यार्थ्यांनी सहभाग नोंदविला. स्पर्धेतील विजेते अनुक्रमे प्रथम, द्वितीय, तृतिय व उत्तेजनार्थ दोन पुढीलप्रमाणे. खुला गट- अदित्य गुंड, उदयराज नवघने, सतिश जाधव, वेदांत भांबारे, पायल पाठक, गौरव थोरात, स्नेहल चव्हान, मोठा गट- श्रूतिका रंधे, सायली साळुंखे, अपूर्वा नांदूरकर, पुजा नागरे, गौरी भागवत. मध्यम गट- सोहम नवले, सोहम नाईक, मानसी सुरूडे, ओंकार कापुरे, सर्वेश बागडे. लहान गट- सिद्धांत आढाव, वेदश्री व्यास, आज्ञा चौधरी, माऊली लांडगे, मानस महाले. या व्यतिरिक्त ५० स्पर्धकांना उत्तेजनार्थ पारितोषिके देण्यात आली.
