श्रीरामपूर-
श्रीरामपूर नगरपालिका निवडणूकीच्या पार्श्वभूमीवर सध्या अनेक माजी नगरसेवक पक्षांतर करताना दिसत आहेत. आजही दोन माजी नगरसेवकांसह काही प्रमुख कार्यकर्त्यांनी राज्याचे उपमुख्यमंत्री एकनाथ शिंदे यांच्या उपस्थितीत मुंबई येथे शिवसेना पक्षात प्रवेश केला आहे.मुक्तागिरी या शासकीय बंगल्यावर एकनाथ शिंदे यांच्या हस्ते हा प्रवेश सोहळा पार पडला. माजी नगरसेवक मल्लू शिंदे आणि माजी नगरसेविका कुसूम शिंदे या दोघांसह सौ. रेखा सूर्यभान शेळके, सूर्यभान
शेळके, रवि गरेला, रमेश डुकरे आदींनी शिवसेनेत प्रवेश केला.या सर्वांच्या प्रवेशामुळे शहरात शिवसेनेला बळकटी मिळणार असल्याची चर्चा आहे.
यावेळी शिवसेनेचे महासचिव राम रेपाळे, संपर्क प्रमुख जनार्दन गालपगार, माजी आ. भाऊसाहेब कांबळे, शिवसेनेचे नेते प्रकाश चित्ते, सुनील मुथ्था, माजी नगरसेवक किरण लुणीया, अशोक कारखान्याचे संचालक बबन मुठे, राजेंद्र कांबळे आदींसह प्रमुख या प्रवेशावेळी हजर होते.
