श्रीरामपूर-
पोलीस अधीक्षक कार्यालयाच्या पथकाने माळवाडगाव परिसरात अवैध वाळू उपसा करणाऱ्या टिप्परवर कारवाई करत श्रीरामपूर तालुका पोलीस ठाण्यात तीन जणांविरोधात गुन्हा दाखल केला आहे.पोलिसांनी 7 लाख 15 हजार रुपयांचा मुद्देमाल जप्त केला आहे.
याबाबत पोकॉ सतिष शंकर पठारे नेम,अपर पोलीस अधीक्षक कार्यालय श्रीरामपुर यांनी श्रीरामपुर तालुका पोलीस स्टेशनमध्ये दिलेल्या फिर्यादित म्हटले की,
अपर पोलीस अधीक्षक सोमनाथ वाघचौरे यांना गुप्त बातमीदारामार्फत मिळालेल्या माहितीनुसार दि. 24 रोजी पोना अनिल काशिनाथ शेंगाळे, पोकॉ सचिन दगडु शेळके, पोकॉ अनिकेत आण्णासाहेब बर्डे,पोहेकॉ आयुब बाबु शेख यांच्या पथकाने माळवाडगावकडे जाणाऱ्या रोडलगत असलेल्या अडबंगनाथ संस्थान कमानीसमोर येथे सापळा लावला.सकाळी 6.30 वा. चे सुमारास आम्हाला भामाठाणच्या दिशेने एक टिप्पर येताना दिसला. आम्ही सदर वाहन चालकास थांबविण्याचा ईशारा केला असता त्याने पोलीस पथकास पाहून सदर टिप्पर रोडच्या थोड्या अंतरापर्यंत नेण्याचा प्रयत्न केला. टिप्पर क्र MH 17 CV 1095 याच्यामध्ये वाळू मिळुन आली. दोघा जणांकडे अधिक चौकशी केली असता त्यांनी त्यांचे नाव सुनिल छगन रजपुत वय 31 वर्षे रा. वाहेगाव मांजरी ता. गंगापुर जि. छ. संभाजीनगर व सागर भाऊसाहेब आसणे वय 29 वर्षे रा.माळवाडगाव ता. श्रीरामपुर असे सांगीतले.तसेच वाहन मालकाचे नाव ज्ञानेश्वर देविदास बनसोडे रा.भामाठाण ता. श्रीरामपुर असे असल्याचे सांगीतले. त्याच्या सांगण्यानुसार आम्ही वाळु उपसा करत असल्याचे त्यांनी सांगितले.त्यानंतर
7,00,000 रु किं.चा टिप्पर व 15,000 रु.किं.ची सुमारे दोन ब्रास वाळु असा एकूण7,15,000 रुपयांचा मुद्देमाल जप्त केला.या तिघांविरुद्ध भारतीय न्याय संहिता 303 (2), पर्यावरण संरक्षण अधिनियम कलम 3/15 प्रमाणे गुन्हा दाखल करण्यात आला असून पुढील तपास श्रीरामपूर तालुका पोलीस करत आहेत.
