श्रीरामपूर-
नायगाव येथील शेतकऱ्याचे सोयाबीन चोरल्या प्रकरणी अपर पोलीस अधीक्षक सोमनाथ वाघचौरे यांच्या पथकाने धडक कारवाई करीत सापळा रचून पाच जणांना अटक केली आहे. शेतकऱ्यांचे सोयाबीन चोरणारी आणखी एक टोळी गजाआड करण्यात पोलिसांना यश आले आहे.विशेष म्हणजे सोयाबीन चोरणारे हे सर्व चोरटे शेतकऱ्याच्या घराशेजारी राहत असल्याचे पोलीस तपासात उघड झाले आहे.
याबाबत सविस्तर हकीगत अशी की, फिर्यादी गोरक्षनाथ भिमराज ढवळे, रा. नायगाव, ता. श्रीरामपुर यांनी त्यांचे शेतातील पत्र्याचे शेड मध्ये ठेवलेले एकुण १५ गोण्या अंदाजे ११ क्विटल सोयाबीन एकुण ४५,०००/- रु.किं.चे हे दि.०६/११/२०२५ रोजी अज्ञात चोरट्याने चोरुन नेल्या म्हणुन श्रीरामपूर तालुका पोलीस स्टेशन येथे गु.र.नं. ४८७/२०२५ भा. न्या. सं. कलम ३०३ (२) प्रमाणे गुन्हा नोंद केला आहे.अपर पोलीस अधीक्षक सोमनाथ वाघचौरे यांना मिळालेल्या गोपनिय माहितीवरुन सदरचा गुन्हा हा आरोपी सचिन जगन्नाथ मोरे, रा. नायगाव, ता. श्रीरामपुर याने त्याचे साथीदारांसह केला असल्याचे समजल्याने त्यास पकडण्यासाठी अपर पोलीस अधीक्षक कार्यालयातील पोलीस अमंलदार यांनी सापळा रचुन आरोपी सचिन जगन्नाथ मोरे यास ताब्यात घेवुन त्याचेकडे गुन्हयाचे अनुषंगाने चौकशी केली असता त्याने गुन्हा केल्याचे कबुल केले. त्यास त्याचे साथीदाराचे नाव विचारले असता त्याने त्यांची नावे हरीदास अर्जुन निकम, वय १९ वर्ष, रा. नायगाव, ता. श्रीरामपूर जि. अहिल्यानगर, शुभम जालींदर मोरे, वय १९ वर्ष, रा. नायगाव, ता. श्रीरामपूर जि. अहिल्यानगर,तुषार अनिल सदाफुले, वय २३ वर्ष, रा.नायगाव, ता. श्रीरामपूर जि. अहिल्यानगर,विशाल अशोक गायकवाड, वय २१ वर्ष, रा. नायगाव, ता. श्रीरामपूर जि. अहिल्यानगर अशी असल्याचे सांगीतले.
त्यावरुन लागलीच उर्वरीत आरोपी यांना पकडण्यासाठी तपास पथकाने सापळा रचुन वरील नमुद आरोपींना ताब्यात घेतले.सर्व आरोपी यांनी एकत्र येवुन सदरचा गुन्हा केल्याचे कबुल केले आहे. त्यापैकी काही आरोपी हे फिर्यादी शेतकऱ्याच्या घराशेजारी राहणारे असुन त्यांनी प्रथमतः साठविलेल्या सोयाबीनची पाहणी केली. नंतर रात्री उशीरा आरोपी तुषार अनिल सदाफुले याचे पिकअप वाहन घेवुन येवुन शेडमध्ये ठेवण्यात आलेल्या सोयाबीनच्या गोण्या चोरुन नेल्या. सदर गुन्हयातील चोरीचा माल खरेदी करणाऱ्या व्यापाराचा तपास पथक कसोशीने शोध घेत असुन पुढील तपास पोहेकॉ परेश आगलावे हे पुढील तपास करीत आहेत.
सदरची कारवाई ही पोलीस अधीक्षक सोमनाथ घार्गे अपर पोलीस अधीक्षक सोमनाथ वाघचौरे, उपविभागीय पोलीस अधिकारी जयदत्त भवर यांच्या मार्गदर्शनाखाली अपर पोलीस अधीक्षक, श्रीरामपुर कार्यालयातील पो.स.ई. चारुदत्त खोंडे, पो.हे.कॉ. दादासाहेब लोढे, पो.ना. संदीप दरंदले, पो.कॉ. राजेंद्र बिरदवडे, पो.कॉ. सहदेव चव्हाण, पो.कॉ. अशोक गाढे, व मोबाईल सेलचे पो.हे.कॉ. संतोष दरेकर, पो.हे.कॉ सचिन धनाड, पो.ना.रामेश्वर वेताळ तसेच श्रीरामपूर तालुका पोलीस स्टेशनचे पो.नि. अरुण धनवडे, पो.हे.कॉ. परेश आगलावे यांनी केली आहे.
