श्रीरामपूर-
नेवासा तालुक्यातील खडका फाटा येथील एका हॉटेलमधील कुंटणखान्यावर पोलीस अधीक्षक सोमनाथ वाघचौरे यांच्या पथकाने छापा टाकून वेश्याव्यवसाय करण्यास भाग पाडल्या जाणाऱ्या तीन पीडित महिलांची सुटका केली.या कारवाईत पोलिसांनी हॉटेल मालकासह दोन जणांना अटक केली असून या प्रकरणी नेवासा पोलीस स्टेशनला स्त्रिया व मुली यांच्या अनैतिक व्यापारास (प्रतिबंध) कायदा १९५६ चे कलम ३, ४, ५,७,८ प्रमाणे गुन्हा दाखल करण्यात आला आहे.
याबाबत सविस्तर माहिती अशी की,
दिनांक २९ रोजी सकाळी अपर पोलीस अधीक्षक सोमनाथ वाघचौरे यांना मिळालेल्या गोपनीय माहितीप्रमाणे साई लॉजिंग, खडका फाटा, नेवासा येथे मुलींना देहव्यापारास प्रवृत्त करुन हॉटेल लॉजिंगवर जागा उपलब्ध करुन त्यांचेकडुन वेश्याव्यवसाय चालवित आहे. अशी खात्रीशीर माहिती मिळाल्याने अपर पोलीस अधीक्षक कार्यालयातील पोलीस अंमलदार पो.हे.कॉ. दादासाहेब लोंढे, पो.ना.संदीप दरंदले, पो.कॉ. राजेंद्र विरदवडे, पो.कॉ. सहदेव चव्हाण यांना सुचना देवुन पोलीस निरीक्षक, नेवासा पोलीस स्टेशन यांच्या मदतीने कारवाई करणेबाबत सुचना देवुन पथकास रवाना केले होते.त्यानंतर पोलीस पथकाने साई लॉजिंग, खडका फाटा, नेवासा येथे चालणाऱ्या कुंटणखान्यावर खात्री करण्याकरीता पो.नि. महेश पाटील यांनी एका खाजगी व्यक्तीस बोलावुन घेवुन त्यास बनावट ग्राहक म्हणुन पाठविले.पथकाने हॉटेलमध्ये वेश्याव्यवसाय चालू असलेबाबत खात्री पटल्यानंतर हॉटेलवर छापा टाकुन हॉटेलमधील बाळासाहेब भानुदास जाधव, वय २५ वर्ष, रा.मक्तापुर, ता. नेवासा, जि. अहिल्यानगर (हॉटेल मालक),विकास योगेश उर्फ यहुवा औताडे, वय २५ वर्ष, रा.मक्तापुर, ता. नेवासा, जि. अहिल्यानगर (हॉटेल मॅनेजर) यांना ताब्यात घेऊन हॉटेलची पाहणी करत हॉटेलच्या रुममध्ये २ महिला मिळून आल्या. त्या महिलांची सुटका करण्यात आली.त्यांच्या विरोधात पो.ना.संदिप दरंदले,श्रीरामपुर शहर पो.स्टे. यांनी दिलेल्या फिर्यादीवरून नेवासा पोलीस स्टेशन गुरनं ९१७/२०२५ स्त्रिया व मुली यांचे अनैतिक व्यापारास (प्रतिबंध) कायदा १९५६ चे कलम ३, ४, ५,७,८ प्रमाणे गुन्हा दाखल करण्यात आला असून पुढील तपास पोलीस निरीक्षक महेश पाटील हे करीत आहेत.सदरची कारवाई ही पोलीस अधीक्षक सोमनाथ घार्गे,अपर पोलीस अधीक्षक सोमनाथ वाघचौरे यांच्या मार्गदर्शनाखाली पो.नि. महेश पाटील, म.पो.स.ई. श्रध्दा वैदय, मपोका वर्षा कांबळे नेमणुक नेत्रासा पो.स्टे. तसेच अपर पोलीस अधीक्षक, श्रीरामपुर कार्यालयातील पो.हे.कॉ. दादासाहेब लोंढे, पो.ना. संदीप दरंदले, पो.कॉ. राजेंद्र विरदवडे, पो.कॉ. सहदेव चव्हाण असे अधिकारी व अंमलदार यांनी केलेली आहे.
