श्रीरामपूर-
श्रीरामपूर तालुक्यातील नाऊर चौफुली परिसरात महाविद्यालयीन तरुणांच्या दोन टोळक्यांत सिनेस्टाईल
तुफान राडा झाला.या हाणामरीच्या घटनेत चॉपरसारख्या धारदार हत्याराचा वापर करण्यात आला असून संतप्त जमावाने दोन दुचाकी जाळून टाकल्यानेही खळबळ उडाली आहे.जुन्या वादाच्या संदर्भातुन या महाविद्यालयीन तरुणांमध्ये ही हाणामारीची घटना घडली असल्याचा प्राथमिक अंदाज व्यक्त करण्यात येत आहे.श्रीरामपूर येथील अज्ञात आठ ते नऊ महाविद्यालयीन तरूणांनी हरेगावमार्गे पाठलाग करत येऊन नाऊर चौफुली जवळ नाऊर येथील तरुणांच्या चालू गाडीवर एकाच्या पाठीवर आणि दुसऱ्याच्या तरुणाच्या डोळ्याजवळ व डोक्यावर चॉपर सारख्या हत्याराने वार करत गंभीर जखमी केले.भरदिवसा घडलेल्या या थराराने श्रीरामपूर तालुक्यात पुन्हा एकदा मोठी खळबळ उडाली आहे.या मारहाणीमध्ये महेश संजय शिंदे (वय २२ ) व शिवम जालिंदर शिंदे (वय २०) हे दोघे तरुण गंभीर जखमी झाले आहेत.त्यांना श्रीरामपूर येथील साखर कामगार रुग्णालयात उपचारांसाठी दाखल करण्यात आले आहे.श्रीरामपूर वरून येऊन परिसरातील मुलांना मारहाण सुरू असलेली पाहून नाऊर ग्रामस्थ प्रचंड संतापले. त्यांनी रोष व्यक्त करत श्रीरामपूर वरून आलेल्या आरोपींच्या दोन दुचाकी जाळून टाकल्या व दोघांना पकडुन ठेवले. या तरुणांच्या बरोबरचे काही जण मात्र पळून जाण्यात यशस्वी ठरले.श्रीरामपूर तालुका पोलिसांनी तातडीने घटनास्थळी धाव घेत जमावाला शांत केले.याबाबत सविस्तर माहिती अशी की,श्रीरामपूर शहरात नाऊर येथील तरुणांच्या दुचाकीला दुसऱ्या टोळक्यातील एकाने कट मारल्याची घटना घडली. यावेळी नाऊर येथील तरुणांनी कट मारणाऱ्याच्या कानशिलात लगावली. त्यामुळे वाद विकोपाला गेला आणि श्रीरामपूर येथील तरुणांनी काही मित्रांना फोन करून त्या ठिकाणी बोलवले. तोपर्यंत नाऊरच्या तरुणांनी तेथून आपली दुचाकी भरधाव वेगाने शहराबाहेर काढली. दुसऱ्या टोळक्याने त्यांचा पाठलाग सुरू केला.पाठलाग करत करत श्रीरामपूर येथील हे टोळके थेट नाऊर चौफुलीपर्यंत येऊन पोहचले.त्यांनी नाऊर चौफुली जवळ चालू गाडीवरच महेश संजय शिंदे व शिवम जालिंदर शिंदे यांच्यावर वार केला.यात एकाच्या पाठीवर आणि दुसऱ्याच्या तरुणाच्या डोळ्याजवळ व डोक्यावर चॉपर सारख्या हत्याराने वार करण्यात आल्याने ते दोघे गंभीर जखमी झाले.त्यांच्यावर हरेगाव फाट्याजवळील जिल्हा रुग्णालय येथे प्राथमिक उपचार करण्यात आले. त्यानंतर त्यांना साखर कामगार रुग्णालय येथे पुढील उपचारांसाठी दाखल करण्यात आले.या घटनेने नाऊर ग्रामस्थ प्रचंड संतप्त झाले. त्यांनी पाठलाग करत आलेल्या तरुणांच्या दुचाकी जाळून टाकल्या.घटनेतील सर्व तरुण महाविद्यालयीन असल्याची माहिती मिळाली आहे.महाविद्यालयिन तरुणांच्या या दोन टोळोक्यांत हा राडा झाल्याची माहिती वाऱ्याच्या वेगाने तालुकाभर पसरली होती.
