श्रीरामपूर-
संगमनेर शहर, मिरजगाव, लोणी परिसरात पोलिसांनी अवैध धंद्यावर नऊ ठिकाणी छापे घालत ४ लाख २५ हजार ६६० रुपये किमतीचा मुद्देमाल जप्त केला आहे. सदरची कामगिरी स्थानिक गुन्हे शाखेने केली आहे.
याबाबत अधिक माहिती अशी की, जिल्हा पोलीस प्रमुख सोमनाथ घार्गे यांच्या आदेशावरून स्थानिक गुन्हे शाखेचे पो.नि. किरणकुमार कबाडी यांनी स्थानिक गुन्हे शाखेतील पथक कारवाई करणेकामी रवाना केले होते. कारवाई दरम्यान पथकातील पोलीस अंमलदार यांनी दि. २९ सप्टेंबर रोजी लोणीला अवैध मावा विक्री करणाऱ्यांविरूद्ध तर दि. १ ऑक्टोबर रोजी संगमनेर शहरात विनापरवाना दारुची वाहतुक करणाऱ्या व जुगार खेळणाऱ्यांविरुध्द तसेच मिरजगाव पोलीस ठाणे हद्दीमध्ये मावा विक्री करणाऱ्या अशा एकुण १२ आरोपीविरुध्द कारवाई करुन ९ गुन्हे दाखल केले. त्यांचेकडुन ४ लाख २५ हजार ६६० रुपये किमतीचा मुद्देमाल जप्त केला आहे.आरोपी सदू जगन्ना मोरे, रा. जवळेकडलग, ता. संगमनेर, वेदांत वाईन शॉप, नाशिक रोडचे चालक/मालक, रामनाथ चांगदे शिरसाठ, रा. माधवनगर, ढोलेवाडी, संगमनेर, उमेश आनंदा सदा, रा. बिहार, वेदांत वाईन शॉप, नाशिक रोडचे चालक/मालक, संतोष अजुन खरात, रा. घुलेवाडी, संगमनेर, पुरूषोत्तम केशव धात्रक, रा. अशोक चौक, संगमनेर, अर्जुन रूपचंद पवार, रा. नवघर गल्ली, संगमनेर, स्वप्निल उर्फ सागर हनुमंत गोरे, रा. गोरेमळा, मिरजगाव, ता. कर्जत, सतिष रावसाहेब जमादार, रा. गोंदीं, मिरजगाव, ता. कर्जत, शाहरूख ऐनोद्दीन पठाण, रा.स्वामी समर्थ नगर, कोल्हार, ता. राहाता, वसिम रज्जाक शेख, रा. कोल्हार खुर्द, ता. राहुरी अशा १२ आरोपींवर कारवाई करत ४ लाख २५ हजार ६६० रूपये किंमतीचा मुद्देमाल जप्त करण्यात आला आहे.
