श्रीरामपूर-
श्रीरामपूर रेल्वे उड्डाणपूलाजवळ हरेगाव फाटा येथे
स्थानिक गुन्हे शाखेच्या पथकाने सापळा रचून तीन आरोपींना जेरबंद केले आहे.हे तिघेही गावठी कट्टे विक्रीसाठी आले होते अशी माहिती पोलीस तपासातून पुढे आली आहे.त्यांच्या कडून पाच गावठी कट्टे, नऊ काडतुसे व पल्सर मोटारसायकल असा ४ लाख ९ हजारांचा मुद्देमाल जप्त करण्यात आला आहे.
याबाबत सविस्तर माहिती अशी की, दि.२ रोजी स्थानिक गुन्हे शाखेच्या पथकाने गुप्त माहितीच्या आधारे श्रीरामपूर शहर पोलीस ठाणे हद्दीत छापा टाकून तीन संशयितांना पकडले. अक्षय उर्फ भावड्या संजय माळी, (वय 23 वर्षे, रा. फत्तेपुर, ता. नेवासा, जि. अहिल्यानगर) अजय शिवाजी मगर, (वय 25 वर्षे, रा. नांदुर शिखरी, ता. नेवासा, जि. अहिल्यानगर) योगेश मच्छिंद्र निकम, ( वय 35 वर्षे, रा. वडगांवगुप्ता, ता. नगर, जि. अहिल्यानगर) अशी पकडलेल्या आरोपींची नावे आहेत.
या आरोपींकडून एकूण ५ गावठी पिस्टल (अग्निशस्त्र) ९ जिवंत काडतुसे, पल्सर मोटारसायकल क्र. एमएच 17 डीजी 5767 असा एकूण ४,०९,००० रुपयांचा मुद्देमाल जप्त करण्यात आला आहे.प्राथमिक चौकशीत आरोपींकडील शस्त्रे विक्रीसाठी आणल्याचे निष्पन्न झाले आहे. सदर आरोपींविरुद्ध श्रीरामपूर शहर पोलीस ठाण्यात भारतीय हत्यार कायदा 1959 कलम 3/25, 7/25 प्रमाणे गुन्हा नोंद करण्यात आला आहे.
हि कारवाई पोलीस अधीक्षक सोमनाथ घार्गे, अप्पर पोलीस अधीक्षक सोमनाथ वाकचौरे यांच्या मार्गदर्शनाखाली व पोलीस निरीक्षक किरणकुमार कबाडी, स्थानिक गुन्हे शाखा अहिल्यानगर यांच्या नेतृत्वाखाली पोहे.कॉ. पंकज व्यवहारे, पोहे. कॉ. अतुल लोटके, पोहे. कॉ. उमेश खेडकर, पोहे. कॉ. दिगंबर कारखेले व पोहेकॉ. मल्लिकार्जुन बनकर, पोहे. काँ. दिपक घाटकर, पोहे. काँ. फुरकान शेख, पोकाँ प्रशांत राठोड यांच्या पथकाने पार पाडली आहे.
