निवडणुक प्रक्रियेत पारदर्शकता आणण्याचा प्रयत्न; निवडणूक आयोगासोबत बैठक;आदिक यांचा सहभाग

श्रीरामपूर-
निवडणूक आयोगाने देशपातळीवर सुरू केलेल्या एका विशेष उपक्रमाअंतर्गत विविध पक्षप्रमुखांना बोलावून भविष्यातील निवडणूक प्रक्रियेबाबतच्या संकल्पनांवर चर्चा सुरू केली आहे.(बि.एल.ऑ.) मतदान केंद्रस्तरीय अधिकारी आणि बुथ प्रमुख यांच्यामध्ये संवाद करून निवडणुकीत जास्तीत जास्त प्रमाणात पारदर्शकता आणण्याचा निवडणूक आयोगाचा प्रयत्न आहे.
राष्ट्रवादी काँग्रेस पक्षाच्यावतीने नवी दिल्ली येथे
निवडणूक आयोगासोबत राष्ट्रीय सरचिटणीस ब्रिजमोहन श्रीवास्तव आणि राष्ट्रीय सरचिटणीस अविनाश आदिक यांची बैठक पार पडली.नवी दिल्ली येथील निवडणूक आयोगाच्या आयोग सभागृह, निर्वाचन सदन, अशोक रोड येथे  निवडणूक आयोगासोबत बैठक आयोजित करण्यात आली होती. मुख्य निवडणूक आयुक्त ज्ञानेश कुमार आणि निवडणूक आयुक्त डॉ. सुखबीर सिंग संधू आणि डॉ. विवेक जोशी यांच्याशी राष्ट्रीय सरचिटणीस आणि अधिकृत प्रतिनिधी ब्रिजमोहन श्रीवास्तव आणि राष्ट्रीय सरचिटणीस अविनाश आदिक यांच्या बरोबर झालेल्या बैठकीत निवडणूक प्रक्रियेशी संबंधित महत्त्वाच्या विषयांवर चर्चा केली आणि निवेदन देण्यात आले.यावेळी निवडणूक आयोगाने देशपातळीवर सुरू केलेल्या एका विशेष उपक्रमाअंतर्गत पक्ष प्रमुखांना बोलावून भविष्यातील निवडणूक प्रक्रियेबाबतच्या संकल्पनांवर चर्चा झाली.(बि.एल.ऑ.) मतदान केंद्रस्तरीय अधिकारी आणि बुथ प्रमुख यांच्यामध्ये संवाद करून निवडणुकीत जास्तीत जास्त प्रमाणात पारदर्शकता आणण्याचा प्रयत्न याच्या माध्यमातून करता येईल. बैठकीत विविध निवडणूक प्रक्रियेतील महत्त्वाच्या मुद्द्यांवर चर्चा झाली. पक्षाच्या वतीने लोकशाही मूल्यांचे जतन आणि पारदर्शक निवडणुकीसंदर्भातील सूचनांची मांडणी करण्यात आली.या बैठकीस मुख्य निवडणूक आयुक्त ज्ञानेश कुमार, निवडणूक आयुक्त डॉ. विवेक जोशी, निवडणूक आयुक्त डॉ. सुखबीर सिंग संधू, राष्ट्रीय सरचिटणीस आणि अधिकृत प्रतिनिधी ब्रिजमोहन श्रीवास्तव आणि राष्ट्रीय सरचिटणीस अविनाश आदिक उपस्थित होते.