श्रीरामपूर-
प्राईड अकॅडमीमध्ये अध्यात्मिक, संस्कारक्षम व दर्जेदार आधुनिक शिक्षण मिळत असल्यामुळे येथे जगातील सर्वोत्तम विद्यार्थी घडतील असे उद्गार देवगडचे स्वामी प्रकाशनंदगिरी महाराज यांनी काढले. माऊली प्रतिष्ठानचे अध्यक्ष ज्ञानेश्वर मुरकुटे व मा. सभापती डॉ. वंदनाताई मुरकुटे यांच्या टाकळीभान येथील प्री स्कूलच्या वार्षिक स्नेहसंमेलन कार्यक्रम प्रसंगी ते बोलत होते. यावेळी प्रमुख मान्यवर म्हणून टाकळीभान सोसायटीचे चेअरमन मंजाबापू थोरात, अशोकचे माजी व्हा. चेअरमन पुंजाहरी शिंदे, सरपंच अर्चनाताई रणनवरे,दिलावर पठाण, भोकर सोसा. चेअरमन कारभारी तागड, भारत भवार
शांताराम तुवर, विराज भोसले, राजेंद्र कोकणे,अर्जुन राऊत, प्रकाश जाधव , रामकृष्ण गायकवाड आदी प्रमुख उपस्थित होते. यावेळी स्वामी बोलताना पुढे म्हणाले की येथील शिक्षणाद्वारे देशाची संस्कृती, राष्ट्रसेवा जपण्याचे काम होत असून विद्यार्थ्यांना इंग्रजी, मराठी, संस्कृत सह विविध भाषा याचे ज्ञान दिले जाते त्यामुळे येथील विद्यार्थी जगाच्या पाठीवर चमकतील असे उद्गार महाराजांनी काढले. प्रस्ताविक करताना प्राईड अकॅडमीच्या संचालिका मा.सभापती डॉ. वंदनाताई मुरकुटे म्हणल्या की समाज बांधणीसाठी भविष्यात चांगली पिढी घडेल यासाठी शिक्षणाला अध्यात्मिकतेची जोड देऊन येथे शिक्षण दिले जात असून क्रीडा व संस्कृतिक गुणांनाही प्रोत्साहन दिले जाणार आहे.
यावेळी चिमुकल्या विद्यार्थ्यांनी आपली उत्कृष्ट कला सादर करून उपस्थित यांची मने जिंकली. याप्रसंगी यशस्वी विद्यार्थ्यांना विविध स्पर्धांचे बक्षीस वितरण मान्यवरांच्या हस्ते करण्यात आले. सर्वांचे आभार माऊली प्रतिष्ठानचे अध्यक्ष ज्ञानेश्वर मुरकुटे यांनी मानले. कार्यक्रम प्रसंगी एकनाथ पटारे, विलास दाभाडे,प्रताप पटारे, केरूबापू मगर,सुदामराव पटारे, ,योगेश उंडे,राहुल बनकर,आबासाहेब ढूस, मोहन रणनवरे, बाळासाहेब कोकणे, बाबुराव तागड, राहुल अभंग , अशोक गायकवाड , मोहन रणनवरे , भैय्या पठाण आदीसह मोठ्या संख्येने पालक, विद्यार्थी उपस्थित होते.
