श्रीरामपूर-
श्रीरामपूर तालुक्यातील घूमनदेव येथील भाजप नेते भैरव कांगुणे यांच्या वस्तीवर सोमवार दि.१७ नोव्हेंबर रोजी मध्यरात्री बिबट्याने कालवडीवर हल्ला करून तिला ठार केले.सदर घटनेची माहिती त्यांनी अहिल्यानगरचे पालकमंत्री ना. राधाकृष्ण विखे यांच्या संपर्क कार्यालयाला केली असता पालकमंत्री यांच्या आदेशाने घुमनदेव येथे होणारा बिबट्याचा सुससूळाट त्वरित बंद करण्यासाठी सुरक्षिततेसाठी वनविभागाकडून पिंजरे देण्याचे मान्य केले.तसेच वन अधिकारी बडे यांनी तातडीने घूमनदेव येथे घटनास्थळी भेट देऊन पाहणी केली.याप्रसंगी येथील ग्रामस्थ उपस्थित होते.सदर बिबट्यांच्या हल्ल्याच्या घटनांनी टाकळीभान, घूमनदेव व कमालपूर परिसरातील नागरिकांमध्ये भीतीचे वातावरण असून सदर बिबटे वन खात्याने पिंजरा लावून जेर बंद करावेत अशी मागणी होत आहे.
