श्रीरामपूर-
शनी शिंगणापूर पोलीस ठाण्यात दाखल खुनाच्या प्रयत्नाच्या गुन्हयामधील फरार आरोपीस बेड्या ठोकण्यास पोलिसांना यश आले आहे.अजय बापुसाहेब कुऱ्हाट असे या आरोपीचे नाव असून त्याला अपर पोलीस अधीक्षक सोमनाथ वाघचौरे यांच्या पथकाने अटक करून शनी शिंगणापूर पोलिसांच्या हवाली केले आहे.
याबाबत अधिक माहिती अशी की,पोलीस अधीक्षक
सोमनाथ घार्गे,अपर पोलीस अधीक्षक सोमनाथ वाघचौरे यांनी विविध गुन्ह्यातील फरार व पाहिजे असलेल्या आरोपिंचा शोध घेवुन त्यांना अटक करण्याची मोहिम हाती घेतली आहे.त्या अनुषंगाने दिनांक ११/११/२०२५ रोजी सकाळी अपर पोलीस अधीक्षक सोमनाथ वाघचौरे, यांना गोपनीय माहिती मिळाली की, शनिशिंगणापुर पोलीस स्टेशन गु.र.नं.२४८/२०२५ भा.न्या.सं. कलम १०९,११८(१),११५(२),१८९ (२), १८९ (४) आर्म अॅक्ट ४/२५,७ या खुनाच्या प्रयत्नाच्या गुन्हयामधील फरार आरोपी अजय बापुसाहेब कुऱ्हाट हा शिंगणापुर येथे लपुन बसला आहे. त्यानुसार अपर पोलीस अधीक्षक कार्यालयातील पो.ना. संदीप दरंदले, पो.कॉ. राजेंद्र बिरदवडे, पो.कॉ. सहदेव चव्हाण, पो.कॉ. अशोक गाढे यांना सदर आरोपीचा शोध घेवुन त्यास तात्काळ ताब्यात घेणेकरीता त्यांनी आदेश दिले.
त्यानंतर नमुद पथकाने शनिशिंगणापुर येथे जावुन आरोपी याचा मिळालेल्या गोपनीय माहितीचे व तांत्रिक विश्लेषनाचे आधारे शोध घेतला असता आरोपी अजय बापुसाहेब कुऱ्हाट, वय २१ वर्ष, रा.शिंगणापुर, ता. नेवासा हा मिळुन आला आहे. सदर आरोपी हा शनिशिंगणापुर पोलीस स्टेशनला दाखल खुनाच्या प्रयत्नाच्या गुन्हयामधील पाहिजे असल्याने सदर आरोपीस ताब्यात घेवुन त्यास शनिशिंगणापुर पोलीस स्टेशनकडे सुपूर्त केले आहे. गुन्हयाचा पुढील तपास स.पो.नि. अशिष शेळके, शनिशिंगणापुर पोलीस स्टेशन हे करीत आहे.सदरची कारवाई ही पोलीस अधीक्षक सोमनाथ घार्गे, अपर पोलीस अधीक्षक सोमनाथ वाघचौरे यांच्या मार्गदर्शनाखाली अपर पोलीस अधीक्षक, श्रीरामपुर कार्यालयातील पो.ना. संदीप दरंदले, पो.कॉ. राजेंद्र बिरदवडे, पो.कॉ. सहदेव चव्हाण, पो.कॉ. अशोक गाढे यांनी केली आहे.
