श्रीरामपूर-
श्रीरामपूर शहर पोलिसांनी तीन सराईत गंठण चोरांना बेड्या ठोकत त्यांच्याकडून सोन्याच्या मिनी गंठणसह १ लाख २० हजार रुपये किंमतीचा मुद्देमाल हस्तगत केला.
याबाबत सविस्तर माहिती अशी की दि. १० ऑगस्ट रोजी दुपारी शहरातील बजरंगनगर परिसरातील शिला अनिल पगारे (वय ४२),रा-बजरंगनगर, वार्ड.०७, श्रीरामपूर या त्यांच्या घरासमोरील झाडाचे फुले तोडायला जात असताना त्यांच्या पाठीमागून एक काळ्या रंगाच्या मोटारसायकलवर आलेल्या तीन अनोळखी चोरट्यांनी त्यांच्या गळ्यातील दिड तोळा वजनाचे सोन्याचे मिनी गंठण तोडुन पोबारा केला होता. याप्रकरणी गुन्हा दाखल करण्यात आला होता.सदरचा गुन्हा दाखल होताच पोलीस निरीक्षक नितीन देशमुख यांच्या आदेशानुसार तपास पथकाने तात्काळ घटनास्थळी भेट देऊन घटनास्थळाची पाहणी केली. तांत्रिक विश्लेषण व गुप्त बातमीदाकडुन मिळालेल्या माहीतीच्या आधारे सदरचा गुन्हा सुदाम जाधव रा. कुकाणा, नेवासा याने त्याच्या इतर दोन साथीदारांसह केला असल्याची माहिती मिळाली. आरोपीचा शोध घेतला असता तो तपोवन रोड, अहिल्यानगर येथे राहत असल्याची माहिती मिळाली. पथकाने त्याचा तपोवन परिसरात शोध घेऊन त्यास शिताफीने ताब्यात घेतले. त्याला त्याचे नाव विचारले असता त्याने सुदाम विक्रम जाधव (वय २७) असे असल्याचे सांगितले. त्याच्याकडे वरील गुन्ह्याच्या अनुषंगाने सखोल तपास केला असता, त्याने सदरचा गुन्हा साथीदार फिरोज ऊर्फ लखन अजिज शेख रा.मुंकदपूर, नेवासा फाटा, नेवासा व अमर चिल्लु कांबळे रा. नेवासा फाटा, नेवासा यांच्यासह मिळून केला असल्याची कबुली दिली. त्यांना तात्काळ अटक करण्यात आली व त्यांच्याकडून ४० हजार रुपयाचे सोन्याचे मिनीगंठण, ८० हजार रुपये किंमतीची काळ्या रंगाची हिरो कंपनीची युनिकॉन मोटारसायकल असा एकूण १ लाख २० हजार रुपये किंमतीचा मुद्देमाल जप्त केला.सदरची कारवाई पोलीस अधीक्षक सोमनाथ घार्गे, अप्पर पोलीस अधीक्षक श्रीरामपूर सोमनाथ वाकचौरे तसेच उपविभागीय पोलीस अधिकारी, श्रीरामपूर विभाग श्रीरामपूर जयदत्त भवर यांच्या मार्गदर्शनाखाली पोलीस निरीक्षक, श्रीरामपूर शहर पोलीस स्टेशन, नितीन देशमुख यांच्या कडील तपास पथकातील पोलीस उपनिरीक्षक समाधान सोळंके, पोकों/अमोल पडोळे, पोकों/संभाजी खरात, पोकों/मच्छिंद्र कातखडे, पोकों/अजित पटारे, पोकों/सागर बनसोडे, पोकों/सचिन काकडे, पोकों/सचिन दुकळे, पोकों/रामेश्वर तारडे, मपोकों / मिरा सरग तसेच अप्पर पोलीस अधीक्षक कार्यालय श्रीरामपूर येथील सचिन धनाड, पोहेका/सतोष दरेकर, पोना / रामेश्वर वेताळ यांनी केली असुन दाखल गुन्हयाचा अधिक तपास पोलिस निरीक्षक नितीन देशमुख यांच्या मार्गदर्शनाखाली पोलीस उपनिरीक्षक समाधान सोळंके हे करीत आहेत.
