श्रीरामपूर-
नगरपरीषद कडून थकबाकी रक्कमपोटी दुकान गाळा व बीफ मार्केट सील करण्याची कडक कारवाई करण्यात आले असल्याची माहिती मुख्याधिकारी मच्छिंद्र घोलप यांनी दिली.श्रीरामपूर नगरपरिषद क्षेत्रातील वार्ड न.२ येथील बीफ मार्केट व पापा जलाल मार्केट येथील ४ गाळे धारकांना वारंवार भेटी व नोटीस, दूरध्वनी संपर्क, अधिपत्र देउन सुध्दा मालमत्ता कराचा भरणा करीत नसल्यामुळे श्रीरामपूर मुख्याधिकारी यांचे निर्देशानुसार कर विभाग मार्फत कराचा भरणा रू १०,९०,०००/- या थकबाकी रकमेचा भरणा न केल्यामुळे दि.१३/०३/२०२६ रोजी गाळे सील ची कार्यवाही करण्यात आली आहे. तसेच वार्ड क्र.२ मधील मालमत्ता धारकांचे ४ नळ कनेक्शन देखील खंडीत करणेत आले आहे, तरी शहरातील सर्व नळ कनेक्शन धारक व मालमत्ता धारक यांनी लवकरात लवकर कर भरणा करून नगरपालिकेस सहकार्य करावे व होणारी कटू कारवाई टाळावी.सदरच्या कारवाईच्या वेळेस श्रीरामपूर नगर परिषदेचे उपमुख्याधिकारी महेंद्र ताकपिरे, वसूल विभाग कर विभाग प्रमुख विकास घटकांबळे, कर निरीक्षक सुभाष बाचकर , वार्ड लिपिक गणेश गवळी, अरुण तुपे, योगेश प्रधान, ,ईश्वर शेळके, नितीन पवार, अमोल गायकवाड, रोहित भांबरे, राजेश थोरात, ,विशाल चौधरी, शंभू छल्लारे , आदी कर्मचारी उपस्थित होते सदर कारवाई सर्व वार्डातील थकबाकी धारकांकडे वसुली कामी सदरचे पथक रोज फिरणार असून सर्व मालमत्ता धारकांनी आपल्याकडील घरपट्टी पाणीपट्टी गाळाभाडे थकबाकी रक्कम लवकरात लवकर भरून श्रीरामपूर नगर परिषदेस सहकार्य करावे अशी आवाहन श्रीरामपूर नगर परिषदेचे मुख्याधिकारी मच्छिंद्र घोलप व नगराध्यक्ष करण ससाणे यांच्यावतीने करण्यात आले आहे.
तसेच मार्च महिन्यामुळे नागरिकांना सुविधा म्हणून शनिवार, रविवार व सुट्टीच्या दिवशी देखील कर भरणा करण्यासाठी वसुली विभागाचे कार्यालय सुरु ठेवण्यात येणार आहे. याची सर्व मालमत्ता धारकांनी नोंद घ्यावी.
