श्रीरामपूर-
शहरात अतिक्रमणाविरोधात पुन्हा एकदा धडक कारवाई करण्यात आली आहे.आज दि.23 रोजी नगरपालिकेच्या अतिक्रमण विरोधी पथकाने पाटबंधारे विभागाच्या कार्यालया समोर रात्रीतून थाटण्यात आलेल्या पत्र्याच्या टपऱ्या जेसीबीच्या सहाय्याने उध्वस्त करून टाकण्यात आल्या आहेत.दरम्यान या कारवाईने पुन्हा एकदा शहरात खळबळ उडाली आहे.या बाबतीत सविस्तर माहिती अशी की,आज दि.23 सप्टेंबर रोजी नेवासा रोडवरील पाटबंधारे विभागाच्या कार्यालय समोरील जागेत काही जणांनी लोखंडी टपऱ्या टाकल्या होत्या.
याची माहिती नगरपालिका प्रशासनास मिळाल्यानंतर नगरपालिका प्रशासनाने रात्रीतुन टाकलेल्या या लोखंडी टपऱ्या पालिकेच्या अतिक्रमण विरोधी पथकाच्यावतीने धडक कारवाई करून उद्ध्वस्त करून जप्त केल्या.तसेच सर्व संबंधित अतिक्रमण करणाऱ्यांवर नगरपालिकेच्या वतीने गुन्हा दाखल करण्याची प्रक्रिया सुरू करण्यात आली आहे.सदरील कारवाई प्रांताधिकारी किरण सावंत पाटील, मुख्याधिकारी मच्छिंद्र घोलप,पोलीस निरीक्षक नितीन देशमुख यांच्या आदेशानुसार नगरअभियंता सूर्यकांत गवळी,अतिक्रमण विभाग प्रमुख संजय शेळके, लक्ष्मण लबडे ,प्रशांत जगधने, अमोल दांडगे, राम शेळके, सुनील केदारे सिद्धार्थ साळवे,राजू कांबळे,संतोष डगळे यांच्या पथकाने केली आहे.
