श्रीरामपूर-
प्रादेशिक पर्यटन विकास योजना सन २०२५-२६ अंतर्गत पर्यटन संचालनाच्या माध्यमातून श्रीरामपूर विधानसभा मतदारसंघातील महानुभाव पंथांच्या विविध देवस्थानाचा विकास करण्याकरिता सुमारे ९ कोटी ५० लक्ष रुपयांचा निधी मंजूर झाली असल्याची माहिती आमदार हेमंत ओगले यांनी दिली आहे.श्रीरामपूर विधानसभा मतदारसंघांमध्ये महानुभव पंथांचे महत्त्वाचे देवस्थान असून याकरिता भाविकांच्या सोयी सुविधा करिता शासनाकडे निधीची मागणी केली होती त्या अनुषंगाने पर्यटन विभागाच्या माध्यमातून कमालपूर येथे चक्रधरस्वामी मंदिर परिसरात भक्तनिवासाचे बांधकाम पत्र्याचे शेड व परिसर सुशोभीकरण करणे -२ कोटी, बेलापूर येथील चक्रधर स्वामी मंदिर परिसरात भक्तनिवास बांधून सुशोभीकरण करणे – २ कोटी,नाऊर येथील श्री.महानुभव दत्त मंदिर परिसरात भक्तनिवास बांधून अंतर्गत रस्ते काँक्रिटीकरण करणे २ कोटी,भोकर येथील गुंफेकर बाबा महानुभाव आश्रम परिसरात भक्तनिवास बांधणे व रस्ते कॉंक्रिटीकरण करणे १ कोटी, बेलापूर रोडवरील श्री चक्रधर महानुभाव आश्रम येथे सुविधा निर्माण करणे असे एकूण ९ कोटी ५० लक्ष रुपयांचा निधी मंजूर झाला आहे.सदरच्या कामाच्या लवकरच निविदा प्रक्रिया पूर्ण होऊन विकास कामांना सुरुवात होणार आहे त्यामुळे भाविकांची मोठ्या प्रमाणावर सोय होणार असल्याचे त्यांनी म्हटले आहे.श्रीरामपूर- राहुरी विधानसभा मतदारसंघातील विकास कामासाठी आपण कटिबद्ध असून मतदारसंघातील अनेक महत्त्वांच्या रस्त्यांच्या कामाला देखील निधीची मागणी केली असल्याचे आमदार हेमंत ओगले यांनी सांगितले आहे.
