श्रीरामपूर-
“हिंद दी चादर” श्री गुरु तेगबहादुर साहिबजी यांचे सन २०२५२६ हे ३५० वे शहीदी समागम शताब्दी वर्ष असून, या ऐतिहासिक प्रसंगाचे औचित्य साधून महाराष्ट्र शासन व गुरु नानक नाम सेवा संगत (सिख, सिकलकार, बंजारा, लबाना, सिंधी व मोहियाल) तसेच इतर सर्व समाज यांच्या संयुक्त विद्यमाने २४ व २५ जानेवारी २०२६ रोजी नांदेड येथील मोदी ग्राउंड (सार्वजनिक बांधकाम विभागाची मोकळी जागा, आसर्जन) येथे भव्य कार्यक्रमाचे आयोजन करण्यात आले आहे.कार्यक्रमाच्या कालावधीत सदर ठिकाणी दरबार साहिब असणार असल्याने भाविकांना कार्यक्रमस्थळी अनवाणी प्रवेश करावा लागणार आहे. त्यामुळे भाविकांना कोणत्याही प्रकारचा त्रास होऊ नये, परिसर स्वच्छ व सुस्थितीत राहावा, यासाठी दि. १३ व १४ जानेवारी २०२६ रोजी सकाळी ८ वाजता विशेष श्रमदान कार्यक्रमाचे आयोजन करण्यात आले आहे.हा श्रमदान उपक्रम जिल्हाधिकारी राहुल कर्डिले यांच्या उपस्थितीत नांदेड शहरातील विविध शाळांतील विद्यार्थी, सामाजिक संस्था व स्वयंसेवकांच्या सहभागातून राबविण्यात येणार आहे. या माध्यमातून सेवाभाव, सामाजिक एकात्मता व स्वच्छतेचा संदेश देण्यात येणार आहे.
नांदेड येथे होणाऱ्या भव्य कार्यक्रमाचे सर्वांगीण व काटेकोर नियोजन करण्यात यावे. देशासह आंतरराष्ट्रीय स्तरावरून मोठ्या संख्येने भाविक उपस्थित राहणार असून त्यांच्या सुरक्षा, वाहतूक, वैद्यकीय सेवा व मूलभूत सोयी-सुविधांबाबत सूक्ष्म नियोजन करण्याच्या सूचना मुख्यमंत्र्यांचे प्रधान सचिव डॉ. श्रीकर परदेशी यांनी आढावा बैठकीत दिल्या.नांदेड येथे २४ व २५ जानेवारी रोजी आयोजित करण्यात येणाऱ्या या भव्य कार्यक्रमाच्या पूर्वतयारीचा आढावा घेण्यासाठी मंत्रालय येथे आयोजित बैठकीस अल्पसंख्याक विकास विभागाचे सचिव रूचेश जयवंशी, राज्य समितीचे समन्वयक रामेश्वर नाईक यांच्यासह संबंधित अधिकारी प्रत्यक्ष तर दूरदृश्यप्रणालीद्वारे छत्रपती संभाजीनगर विभागाचे विभागीय आयुक्त जितेंद्र पापळकर यांच्यासह वरिष्ठ अधिकारी उपस्थित होते. या कार्यक्रमात मोठ्या संख्येने सहभागी व्हावे असे आवाहन संत बाबा कुलवंत सिंगजी, जथेदार तख्त सचखंड श्री हजूर साहेब और पंज प्यारे,नांदेड,संत बाबा नरिंदर सिंगजी,संत बाबा बलविंदर सिंगजी,गुरुद्वारा लंगर साहेब,संत बाबा हरणामसिंगजी, मुखी दमदमी टकसाल,रामेश्वर भाऊ नाईक (राज्यस्तरीय समितीचे समन्वयक),महेंद्रजी रामचुरा (धर्म जागरण प्रचारक) ,सिद्धेश्वरजी बिराजदार (धर्म जागरण प्रचारक)
रघबीरसिंह कथुरिया (राजू) ( राज्यसमिती सदस्य)
भगवंत सिंग बतरा (क्षेत्रीय समिती अध्यक्ष, अहिल्यानगर),रणजित सिंग आहुजा,सरबजीत सिंग सेठी
अमरिक सिंग चुग,बलविंदर सिंग बतरा,हरिंदर सिंग बतरा
हरचरण सिंग गुरुवाडा,ओम नारंग ,जास्मीत सिंग बतरा,सन्मीत सिंग चुग,रणजीत सिंग सेठी आदींनी केले आहे.
