श्रीरामपूर-
श्रीरामपूर तालुका भाजपच्या बहुप्रतीक्षित तालुका व शहर कार्यकारणीच्या निवडी आज अखेर जाहीर करण्यात आल्या आहेत.दोन्ही ठिकाणच्या निवडीत मोठ्या प्रमाणावर कार्यकर्त्यांना प्रतिनिधित्व देण्यात आले आहे.भाजपाचे उत्तर नगर जिल्हाध्यक्ष नितीन दिनकर, मा. सभापती दीपक पटारे यांच्या मार्गदर्शनाखाली तालुकाध्यक्ष बाबासाहेब चिडे यांनी श्रीरामपूर तालुका कार्यकारिणी जाहीर केली.कार्यकारिणीत १२ उपाध्यक्ष, ४ सरचिटणीस, १० चिटणीस, १ कोषाध्यक्ष, ३० कार्यकारीणी सदस्य, २४ इतर आघाड्यांसह ६९ कायम निमंत्रीत सदस्य असे एकूण १५० जणांचा समावेश करण्यात आला आहे.तसेच भारतीय जनता पार्टी श्रीरामपूर शहर मंडलचीही कार्यकारीणी जाहीर करण्यात आली असून त्यात २ सरचिटणीस, ११ उपाध्यक्ष, ६ चिटणीस, कोषाध्यक्ष-१, ५४ कार्यकारीणी सदस्य तसेच कायम निमंत्रीत १५ सदस्यांसह ११७ जणांची कार्यकारीणी शहराध्यक्ष जितेंद्र छाजेड यांनी जाहीर केली आहे.तालुका कार्यकारणीत अनेक छोट्या गावांसह माळवडगाव,घुमनदेव,कमालपूरलाही प्रतिनिधित्व देण्यात आले आहे.यात तालुका उपाध्यक्षपदी मुकुंद हापसे,सरचिटणीसपदी भैरवनाथ कांगुणे, सचिवपदी रावसाहेब मुरकुटे, नारायण काळे,श्रीरामपूर तालुका भारतीय जनता पार्टीच्या सोशल मीडिया सेलच्या अध्यक्षपदी संदीप आसने यांच्या निवडी करण्यात आल्या आहेत.पालकमंत्री ना. राधाकृष्ण विखे पाटील, माजी खा. डॉ. सुजय विखे पाटील, प्रदेश भाजप सरचिटणीस विजयभाऊ चौधरी, उत्तर महाराष्ट्र संघटनमंत्री रवि अनासपुरे, जिल्हाध्यक्ष नितीन दिनकर व मा. सभापती दिपक पटारे यांच्या मार्गदर्शनाखाली जाहीर झालेल्या तालुका व शहर भाजपाच्या कार्यकारीणीमध्ये कार्यकर्ते तसेच विविध स्तरातील मान्यवर यांचा यात समावेश आहे.सर्व नूतन पदाधिकाऱ्यांचे पालकमंत्री ना. राधाकृष्ण विखे पाटिल, उत्तर नगर जिल्हाध्यक्ष नितीन दिनकर, श्रीरामपूर तालुकाध्यक्ष बाबासाहेब चिडे, शहर अध्यक्ष जितेंद्र छाजेड, माजी सभापती दिपक पटारे, जेष्ठ नेते गिरीधर आसने आदिनी अभिनंदन केले.
