श्रीरामपूर-
श्रीरामपूर नगरपरिषद निवडणुकीच्या प्रचाराच्या अनुषंगाने सर्व परवानग्या या आचारसंहिता कक्ष प्रांतकार्यालय यांच्याकडे नोंदवून देण्यात येतात.असे असतानाही दि.28 रोजी श्रीरामपूर नगरपरिषद कार्यालयात लेबर पदावर काम करणाऱ्या कर्मचाऱ्याने परस्पर नवीन रजिस्टर तयार करून काही विशिष्ट पक्षाचे अर्ज स्वीकारून त्यांना परवानग्या दिल्या.याची माहिती आ. हेमंत ओगले यांना मिळाल्यावर त्यांनी या प्रकारचा जाब विचारण्यासाठी थेट प्रांत कार्यालय गाठले. निवडणूक निर्णय अधिकारी किरण सावंत पाटील यांच्या कानावर सदर बाब घातल्यानंतर त्यांनी तातडीने संबंधितांवर कारवाई करण्याचे आश्वासन आ. ओगले यांना दिले.यावेळी काँग्रेस पक्षाचे नगराध्यक्षपदाचे उमेदवार करण ससाणे हेही उपस्थित होते.
याबाबत आ.हेमंत ओगले यांनी निवडणूक आयोगाला पाठवलेल्या पत्रात म्हटले की,सर्व परवागन्यांचे अर्ज हे आचारसंहिता कक्ष येथील रजिस्टरमध्ये नोंदणी अपेक्षित होते. परंतु परस्पर काही ठराविक पक्षाच्या लोकांना एकाच दिवसाच्या सर्व मुख्य ठिकाणी प्रचाराच्या परवानगी देण्याच्या उद्देशाने आचारसंहिता कक्षाला दुर्लक्षित करून परस्पर नवीन रजिस्टर करून सभा व पदयात्रा यांच्या परवानगी दिली आहे. सदरची बाब ही अत्यंत गंभीर असून निवडणूक प्रक्रियेला बाधा देणारी आहे.नगरपालिका कर्मचाऱ्याने परस्पर आचारसंहिता कक्ष व्यतिरिक्त नवीन रजिस्टर तयार करून ठराविक पक्षाच्या लोकांच्या परवानगी नोंदविल्या. त्यांनी परस्पर नगरपालिकेत नवीन रजिस्टर करून त्यामध्ये नोंदवून सभेच्या परवानगी दिली आहे. ही सगळी बाब गंभीर आहे. तसेच ही बाब आमदार ओगले आणि ससाणे यांनी निवडणूक निर्णय अधिकारी यांच्या निदर्शनास आणून दिली. निवडणूक निर्णय अधिकारी किरण सावंत पाटील यांनी तातडीने संबंधितांवर विरोधात कारवाई करण्याचे आश्वासित केले आहे.
