श्रीरामपूर-
श्रीरामपूर तालुक्यातील जाफराबाद (जिजाऊनगर) येथील सरपंच सौ.शेलार यांचे पती सामाजिक कार्यकर्ते संदीप शेलार यांची एक्सयूव्ही MH 48 A 5427 (सिल्वर कलर) हि घरासमोर लावलेली चारचाकी कार एका अज्ञात आरोपीने काल गुरुवारी रात्री पेट्रोल टाकूत जाळून टाकल्याची धक्कादायक घटना घडली आहे. या घटनेने परिसरात एकच खळबळ उडाली असून कार जाळत असतानाची घटना सीसीटीव्ही कॅमेऱ्यात कैद झाली आहे. त्या वरून पोलिसांना आरोपीची ओळख पटली असून पोलीस त्याच्या मागावर आहेत. दरम्यान गावातील एका घटनेचा राग मनात धरून आरोपीने हे कृत्य केल्याची शक्यता व्यक्त केली जात असली तरी पोलीस सर्व बाजूने तपास करत आहेत.
याबाबत अधिक माहिती अशी की,अज्ञात आरोपी याने हे कृत्य केल्याचे श्रीरामपूर तालुका पोलीस ठाण्याचे निरीक्षक श्री.धनवडे यांनी स्पष्ट केले आहे.सीसीटीव्हीतील चित्रणावरून आरोपी तरुणाचा छडा पोलीसांना लागला आहे.आरोपी हा सद्या अहिल्यानगर येथे राहत असल्याचे संदीप शेलार यांनी सांगितले आहे.
