श्रीरामपूर-
शहरातील एका नामांकित मराठी शाळेतील शिक्षकाने दुसरीच्या वर्गात शिकणाऱ्या आठ वर्षीय चार चिमुकलींवर लैंगिक अत्याचार केल्याची खळबळजनक घटना समोर आली आहे. याप्रकरणी संबंधित शिक्षकाला श्रीरामपूर शहर पोलिसांनी अटक अटक केली असून त्याच्या विरोधात पोस्को अंतर्गत गुन्हा दाखल करण्यात आला आहे.या घटनेने शहरात संतापाची लाट उसळली आहे.गुरू शिष्याच्या नात्याला काळिमा फासणाऱ्या या घटनेमुळे तालुक्यासह जिल्ह्यात खळबळ उडाली असुन संबंधित लिंगपिसाट शिक्षकाला कठोर शिक्षा व्हावी अशी मागणी विविध संघटना व पालक वर्गामधून केली जात आहे.
शहरातील एका नामांकित मराठी शाळेतील शिक्षक सचिन महाजन गोणारकर (वय ३५, रा. गोणार्क, ता. कंधार, जि. नांदेड, हल्ली मुक्काम -वार्ड नंबर ०७, श्रीरामपूर) या शिक्षकाने तो शिकवत असलेला वर्गातील इयत्ता दुसरीतील ४ विद्यार्थिनींवर केलेल्या अत्याचाराची माहिती संबंधित विद्यार्थिनींनी त्यांच्या पालकांना सांगितली.घडलेल्या प्रकारचा जाब विचारण्यासाठी पालकांनी तातडीने शाळा गाठली.दरम्यान संस्थेच्या प्रमुखांनी सदरचे प्रकरण पोलीस ठाण्यापर्यंत जाऊ देऊ नका असे पालकांना सांगितले.त्यामुळे पालकांनी याबद्दल संस्थेच्या प्रमुखांबद्दल प्रचंड चीड व्यक्त केली. त्यानंतर पालकांनी शहर पोलीस ठाण्यात पोलीस निरीक्षक नितीन देशमुख यांची भेट घेऊन सदर प्रकार त्यांच्या कानावर घातला.याप्रकरणी शहर पोलीस ठाण्यात सचिन महाजन गोणारकर या लिंगपिसाट शिक्षकाविरोधात पोस्को कायद्याअंतर्गत गुन्हा दाखल करण्यात आला असून त्याला अटक करण्यात आलेली आहे.या लिंग पिसाट शिक्षकाला कठोर शिक्षा करण्यात यावी अशी मागणी पालक वर्गातुन केली जात आहे.
