श्रीरामपूर-
जिल्ह्यात गुटखा विक्रीला बंदी घालण्यात होती.माञ आता गुटखा विक्री बंदी झुगारुन गुटखा विक्री पूर्ववत सुरु झाली आहे.या गुटखा विक्रीला कोणाचा तरी आशिर्वाद आहे.त्यामुळे नेमकी कोणाच्या आशीर्वादाने गुटखा विक्री सुरु आहे, असा सवाल भाजपचे ज्येष्ठ नेते सुनिल मुथा यांनी केला आहे.
श्री.मुथा म्हणाले की,राज्यात विशिष्ट यंञणेला हाताशी धरुन अनधिकृत गुटखा विक्री होते.यात गुटखा विक्रेते व संबंधित यंञणा यांच्यात मोठी ‘अर्थ’पूर्ण देवाणघेवाण होते.या पध्दतीने होणा-या गुटखा विक्रिला ‘सिस्टिम गुटखा’ म्हणून ओळखले जाते.जिल्ह्यात अशा पध्दतीने अनधिकृत गुटखा विक्री सुरु होती. माञ एका वृध्दाने पोलिस अधिक्षकांसमोर गुटख्यामुळे झालेल्या बरबादीची व खेड्यापाड्यातील व्यसनाधीन झालेल्या तरुण पिढीच्या व्यथा सांगितलेल्यनंतर जिल्ह्यात अनधिकृत गुटखा विक्रीला चाप लावण्यात आला.काही ठिकाणी अनधिकृत गुटखा विक्री करणारांवर पोलिसांकडून कारवाई देखिल करण्यात आली.या कारवाईचे जनतेने स्वागतही केले होते असे श्री.मुथा म्हणाले.काही महिने बंद असलेली गुटखा विक्री पुन्हा राजरोसपणे सुरु झाली आहे. बंद असलेली गुटखा विक्री पूर्ववत सुरु झाल्याने गुटखा बंदीची ऐसी की तैसी झाली आहे.गुटखा बंदी झुगारुन गुटखा विक्री पुन्हा सुरु झाली आहे ती शासन यंञणेचे आशीर्वाद असल्याशिवाय शक्य नाही.त्यामुळे बंद असलेली सिस्टीम गुटखा विक्रीला नेमके कोणाचे आशिर्वाद आहेत,काही पोलीस अधिकाऱ्यांच्या आणि कर्मचाऱ्यांच्या पुढाकाराने गुटखा विक्री जोरात सुरू झाली आहे. जिल्हा पोलीस अधीक्षक यावर कारवाई करतील काय अशी विचारणा श्री.मुथा यांनी केली आहे.
