श्रीरामपूर-
श्रीरामपूर शहरात पोलिसांनी पुन्हा एकदा नशेचे इंजेक्शन विक्री करण्याकरीता आलेल्या दोघांना औषधांच्या 6 बाटल्यासह सापळा रचून गजाआड केले आहे.आरोपींविरुध्द श्रीरामपूर शहर पोलीस स्टेशन येथे गुन्हा दाखल करण्यात आला आहे.
याबाबत पोलिसांनी दिलेली सविस्तर माहिती अशी की,
दिनांक 05/09/2025 रोजी 12/20 वाजेच्या सुमारास पोलीस निरीक्षक नितीन देशमुख यांना गुप्त बातमीदारामार्फत माहिती मिळाली की, खबडी बाबा (म्हसोबा महाराज) मंदिर, वेस्टर्न सिटी हाउसिंग सोसायटी जवळ, वॉर्ड नं.01, श्रीरामपूर येथे अरबाज शेख व गौरव सोनटक्के हे नशेचे औषध व इंजेक्शन विक्री करण्याकरीता त्यांचे अॅक्टिव्हा गाडीवर येणार आहे. त्यावरून त्यानी औषध निरीक्षक सोमनाथ. बा. मुळे यांच्याशी संर्पक करुन तात्काळ पोलीस पथकास खबडी बाबा (म्हसोबा महाराज) मंदिर, जवळ सापळा लावण्यास सांगितला. सदरचे इसम तेथे येताच पोलीस पथकाने त्यांना ताब्यात घेवुन त्यांना त्यांचे नाव व पत्ता विचारले असता त्यांनी त्यांचे नाव अरबाज मस्तान शेख वय 23 वर्ष, धंदा-ड्रायव्हर, रा. नविन तहसिलसमोर वॉर्ड नं.01 श्रीरामपुर व गौरव रमेश सोनटक्के वय-20 वर्ष, धंदा-मजुरी, रा. दशमेश नगर, पंजाबी कॉलनी, वार्ड नं 01, श्रीरामपुर असे असल्याचे सांगितले.
सदर दोघांच्या ताब्यातुन 2008 रु. किंमतीचे मेफेंटर्मिन औषधाच्या 10 एम.एल.च्या 06 बॉटल, 08 इंन्जेक्शन सिरीन्ज, 60,000/- रु. किंमतीचे गुन्हयात वापरलेले होण्डा अॅक्टिव्हा 6G हे वाहन असा मुद्देमाल जप्त करण्यात आला असुन त्यांच्याविरुध्द श्रीरामपूर शहर पोलीस स्टेशन येथे गुन्हा दाखल करण्यात आला आहे. पोलीस अधीक्षक सोमनाथ घार्गे, अप्पर पोलीस अधीक्षक श्रीरामपूर सोमनाथ वाकचौरे, तसेच मा. उपविभागीय पोलीस अधिकारी, श्रीरामपूर विभाग श्रीरामपूर जयदत्त भवर यांचे मार्गदर्शनाखाली मा. पोलीस निरीक्षक, श्रीरामपूर शहर पोलीस स्टेशन, नितीन देशमुख, यांचेकडील सहा. पोलीस निरिक्षक गणेश जाधव, पोलीस उपनिरिक्षक अप्पासाहेब हंडाळ, पोलीस उपनिरीक्षक दिपक मेढे, पोकों/अमोल पडोळे, पोकों/अमोल गायकवाड, पोकों/ संपत बडे, पोकों/सचिन दुकळे, पोकों/ राहुल पौळ, मपोकों/ मिरा सरग यांच्या पथकाने केली असुन दाखल गुन्हयाचा अधिक तपास श्रीरामपूर शहर पोलीस करीत आहेत.
