श्रीरामपूर-
बाललैंगिक अत्याचार प्रतिबंधक कायद्यानुसार
राहुरी पोलिस ठाण्यात दाखल एका गुन्ह्यात लॉज मालकास अटक करण्यात आली आहे. लॉज मालकाने अल्पवयीन मुलीच्या वयाची कागदपत्रांची पडताळणी न करता रूम उपलब्ध करून देत सदर गुन्ह्यात मदत केल्याचे पोलिस तपासात निष्पन्न झाले आहे.त्यामुळे सदर गुन्ह्यात लॉज मालकास सह आरोपी करण्यात आले आहे.जिल्हा पोलीस अधीक्षक सोमनाथ घार्गे यांच्या मार्गदर्शनाखाली अशा पद्धतीने दाखल सर्वच गुन्ह्यांची पडताळणी आता करण्यात येत आहे. सदर सर्व गुन्ह्यामध्ये लॉज-हॉटेल चालक व मालक यांचा निष्काळजीपणा किंवा अप्रत्यक्ष-प्रत्यक्ष सहभाग दिसून आल्यास त्या सर्वांवर अशीच कारवाई करण्यात येणार आहे,अशी माहिती अपर पोलीस अधीक्षक सोमनाथ वाघचौरे यांनी दिली आहे.
याबाबत पोलिसांनी दिलेली सविस्तर माहिती अशी की, पो स्टे राहुरी गुन्हा रजिस्टार नंबर 917/25 कलम 64(1) Bns सह 4,8,12 बाललैंगिक अत्याचार प्रतिबंधक कायदा मध्ये लॉज मालक,वय 27 वर्ष याने यातील आरोपी हा पीडित मुलीस लॉजवर घेऊन गेल्यानंतर पीडितेच्या वयाची कोणतेही कागदपत्रे न पाहता रूम उपलब्ध करून दिल्याने कलम 55 Bns सह कलम 17 बाललैंगिक अत्याचार प्रतिबंधक कायदा कलमची वाढ करून त्यास अटक करण्यात आल.न्यायालयाने देखील सदर आरोपीस पोलीस कोठडी सुनावली आहे.यातील पीडित मुलगी ही अल्पवयीन असल्याने आरोपीने गुन्ह्यास मदत केल्याचे पोलीस तपासात दिसून येत आहे.बाललैंगिक अत्याचार प्रतिबंधक कायदा कलम 4 नुसार आरोपीला आजन्म करावासाची अर्थात त्याच्या नैसर्गिक उर्वरित आयुष्याच्या सश्रम कारावासाची शिक्षा व दंड अशी शिक्षा नमूद करण्यात आली आहे.दरम्यान पोलिसांच्या या कारवाईचे सर्वसामान्य नागरिकांनी स्वागत केले आहे.
