प्रेमसंबंधातुन खुन;प्रवरा संगम येथून आरोपीच्या आवळल्या मुसक्या

श्रीरामपूर-
मुंगी, ता. शेवगाव येथे गोदावरी नदीच्या काठावर प्रेमसंबंधातून तरुणाची हत्या करण्यात आली होती.त्या गुन्ह्यात फरार असलेल्या आरोपीच्या स्थानिक गुन्हे शाखेच्या पथकाने प्रवरासंगम येथे सापळा रचुन मुसक्या आवळल्या.अफरोज सुलतान खान वय – 45 वर्षे रा. कटकटगेट ता. जि. छ. संभाजीनगर असे आरोपीचे नाव असून या अगोदर पोलिसांनी दुर्गेश मदन तिवारी रा. वडोद, (कान्होबा), ता. खुलताबाद, जि. छ. संभाजीनगर, श्रीमती भारती रविंद्र दुबे रा. फ्लॅट नं. 201, एस. एस. मोबाईल शॉपी जवळ, कॅनोट प्लेस सिडको, जि. छ. संभाजीनगर यांना अटक केली आहे.आरोपीने  त्याचे यापुर्वी गुन्ह्यामध्ये अटक केलेले साथीदार यांचे सोबत गुन्हा केल्याची कबुली पोलिसांना दिली आहे.प्रस्तुत बातमीची हकिगत अशी की, दिनांक 12/08/2025 रोजी मुंगी, ता. शेवगाव गावचे शिवारात गोदावरी नदीपात्रालगत शेताच्या कडेला एका 30 वर्षे वयाच्या तरुणाचा मृतदेह मिळुन आला होता. सदर घटनेबाबत शेवगांव पोलीस स्टेशनला राहुल पुंडलिंक औताडे रा. कोलठाणवाडी रोड, शिवनेरी कॉलनी, हार्सुल, छ. संभाजीनगर यांच्या तक्रारीवरुन गुन्हा दाखल करण्यात आला आहे.सदर खुनाच्या गुन्ह्यातील आरोपी  अफरोज खान रा. खटखट गेट, ता. जि. छ. संभाजीनगर गुन्हा घडल्यापासुन फरार झालेला होता.सदर फरार आरोपीचा स्थानिक गुन्हे शाखेचे पोलीस निरीक्षक किरणकुमार कबाडी यांच्या नेतृत्वाखालील पोउपनि/राजेंद्र वाघ, पोलीस अंमलदार सुरेश माळी, बाळासाहेब नागरगोजे, बाळासाहेब गुंजाळ, बाळासाहेब खेडकर, रमिझराजा आतार, सारिका दरेकर, भगवान धुळे  यांचे पथक शोध घेत होते.पथकाला तो प्रवरासंगम या ठिकाणी येणार असल्याची गुप्त माहिती प्राप्त झाली होती. पथकाने प्रवरासंगम या ठिकाणी सापळा रचुन अफरोज सुलतान खान यास  जेरबंद केले.ताब्यातील आरोपीस गुन्ह्याचे पुढील तपासकामी शेवगाव पोलीस स्टेशन येथे हजर करण्यात आले असुन गुन्ह्याचा पुढील तपास शेवगाव पोलीस स्टेशन करीत आहे.सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.