श्रीरामपूर-
लंडन येथे आयोजित करण्यात आलेल्या LOKMAT GLOBAL ECONOMIC CONVENTION या जागतिक परिषदेत ‘कोहिनूर ऑफ इंडिया’ हा पुरस्कार देवून राज्याचे जलसंपदा मंत्री ना. राधाकृष्ण विखे पाटील यांचा सन्मान करण्यात आला.विधानसभेचे अध्यक्ष ॲड. राहुल नार्वेकर यांच्या शुभहस्ते विखे पाटील यांनी मा. ना. शालिनीताई विखे पाटील यांच्या उपस्थितीत सपत्निक या पुरस्काराचा स्विकार केला.याप्रसंगी राष्ट्रवादी काँग्रेसचे प्रदेशाध्यक्ष खा.श्री. सुनिलजी, तटकरे अभिनेते श्री. सुनिल शेट्टी, लोकमत वृतपत्र समूहाचे अध्यक्ष श्री. विजयजी दर्डा, श्री. ऋषी दर्डा यांच्यासह अनेक मान्यवर उपस्थित होते. या सन्मानानंतर आपल्या भावना व्यक्त करताना ना. राधाकृष्ण विखे पाटील म्हणाले की,आदरणीय पंतप्रधान नरेंद्र मोदी, केंद्रीय गृह तथा सहकार मंत्री श्री. अमित शाह, राज्याचे मुख्यमंत्री मा.श्री. देवेंद्र फडणवीस यांनी दिलेल्या संधीमुळे राज्याच्या आणि अहिल्यानगरच्या विकासात्मक प्रक्रीयेत योगदान देता येत आहे. आजपर्यत केलेल्या कार्याचा आणि माझ्या पाठिशी ठामपणे उभे राहणाऱ्या प्रत्येकाचा हा सन्मान आहे.शिर्डी विधानसभा मतदारसंघातील जनतेनं मला सलग आठ वेळा विधानसभेत काम करण्यासाठी दिलेल्या पाठबळामुळे या सन्मानाची संधी मला मिळाली, त्यामुळे मिळालेला सन्मान त्यांना समर्पित करीत आहे,असेही ते शेवटी म्हणाले.
‘कोहिनूर ऑफ इंडिया’ हा पुरस्कार देवून राज्याचे जलसंपदा मंत्री ना. राधाकृष्ण विखे पाटील यांचा सन्मान करण्यात आला.याप्रसंगी मा. ना. शालिनीताई विखे पाटील याही उपस्थित होत्या.
