श्रीरामपूर-
सांस्कृतिक कार्य विभाग, सांस्कृतिक कार्य संचालनालय, महाराष्ट्र शासन यांच्या वतीने राज्यातील लोककला, लोकपरंपरा व लोकसंस्कृतीचे जतन व संवर्धन व्हावे, तसेच नवीन पिढीला आपल्या उच्च संस्कृतीची व परंपरेची ओळख नवमाध्यमातून व्हावी, या उद्देशाने लावणी महोत्सवाचे आयोजन करण्यात आले
सांस्कृतिक कार्य मंत्री आशिष शेलार यांच्या अभिनव कल्पनेतून व सांस्कृतिक कार्य विभागाचे सचिव किरण कुलकर्णी यांच्या मार्गदर्शनाखाली सन 2026 लावणी महोत्सव श्रीरामपूर येथे दि. 20 ते 22 फेब्रुवारी या कालावधीत खा. गोविंदराव आदिक नाट्यगृह येथे आयोजित करण्यात आला आहे.या लावणी महोत्सवाचे उद्घाटन उपविभागीय अधिकारी जयदत्त भवर यांच्या हस्ते करण्यात आले. यावेळी भाजपचे जिल्हा उपाध्यक्ष दीपक पटारे,पोलीस निरीक्षक नितीन देशमुख, सार्वजनिक गणपती मंडळाचे अध्यक्ष मनोज नवले, सांस्कृतिक कार्य संचालनाचे संभाजीनगर विभागाचे प्रमुख सचिन पाखरराव,लावणी महोत्सव संचालक दादा साळुंके,भाजपा युवामोचाचे तालुका अध्यक्ष महेंद्र पटारे,विशाल अंभोरे,लावणी कलापथकाच्या आशा वैशाली नगरकर, श्रद्धा पुणेकर, वैष्णवी कोल्हापूरकर आदी उपस्थित होते.
या महोत्सवात आशा वैशाली नगरकर (नटरंग कला केंद्र, मोडनिंब), श्रद्धा नेहा पुणेकर (लक्ष्मी कला केंद्र, सणसवाडी) आणि वैष्णवी कोल्हापूरकर (रेणुका कला केंद्र, आबंप फाटा वाठार, कोल्हापूर) या कलापथकाने आपली कला सादर करत लावणी रसिकांची मने जिंकली. तसेच 21 फेब्रुवारी रोजी जय अंबिका कला केंद्र (सणसवाडी), अलंकार ग्रुप पार्टी (अलंकार कला केंद्र, सुपा), अपर्णा किर्ती नगरकर आणि रेश्मा वर्षा परितेकर (लक्ष्मी कला केंद्र, सणसवाडी) या संघाने कला सादर केली.दि. 22 फेब्रुवारी रोजी गीता अश्विनी वाईकर, रेणुका कला केंद्र (कागल रोड, गोकुळ, शिरगाव), छाया पूजा श्रद्धा कोल्हापूरकर (रेणुका कला केंद्र, आबंप फाटा वाठार, कोल्हापूर) आणि रुक्मिणी, अर्चना, ज्योत्स्ना वाईकर (पिंजरा कलाकेंद्र) हे आपली कला सादर करतील. या लावणी महोत्सवाचा समारोप दि. 22 फेब्रुवारी रोजी होणार आहे. हा लावणी महोत्सव रसिक प्रेक्षकांसाठी विनामूल्य असून श्रीरामपूर येथे होणार्या या महोत्सवात सहभागी कलाकार, कलापथके आणि संगीत-नृत्याचा मिलाफ असणार्या कार्यक्रमाचा रसिक प्रेक्षकांनी आस्वाद घ्यावा, असे आवाहन सांस्कृतिक कार्य संचालकांनी केले आहे.याप्रसंगी जिल्ह्यासह तालुका व शहरातील लावणी रसिक मोठ्या संख्येने उपस्थित होते.
