श्रीरामपूर-
विस्थापित व्यापाऱ्यांचे पुनर्वसन करावे या मागणीसाठी श्रीरामपूर नगर परिषदेसमोर श्रीरामपूर दुकानदार पुनर्वसन समितीचे अध्यक्ष सुभाष त्रिभुवन यांच्या नेतृत्वाखाली भव्य निदर्शने करण्यात येऊन मागणीचे निवेदन नगराध्यक्ष करण ससाने यांना देण्यात आले.
त्यावेळी त्रिभुवन म्हणाले की श्रीरामपूर नगर परिषदेने 27 जानेवारी 2025 रोजी अतिक्रमणाच्या नावाखाली नेवासा रोड, बेलापूर रोड, शहर पोलीस स्टेशन समोरील गोंदवणी रोड परिसरातील छोटे-मोठे व्यवसाय करणाऱ्या दुकानदारांची दुकाने हटवून त्यांच्यावर मोठा अन्याय केला आहे.
या कारवाईमुळे अनेक व्यापारी अक्षरशः उघड्यावर आले असून त्यांची उपजीविका बंद पडली आहे. विस्थापित व्यापारी कर्जाच्या खाईत लोटला गेला असून रोजची भाकर कमावणेही कठीण झाले आहे. मुलांचे शिक्षण, घरातील वृद्ध आई-वडिलांचे उपचार, तसेच बँका व फायनान्स कंपन्यांचे कर्ज फेडणे अशक्य झाले असल्याचे त्यांनी सांगितले.दरम्यान काँग्रेस पक्षाचे नेते व नूतन नगराध्यक्ष करण ससाणे यांनी सत्तेत आल्यानंतर विस्थापित व्यापाऱ्यांचे पुनर्वसन करण्याचे आश्वासन दिले होते. आता काँग्रेस पक्षाची सत्ता आली असून दिलेला शब्द पाळून विस्थापित व्यापाऱ्यांचे त्वरित पुनर्वसन करण्यात यावे, अशी मागणी समितीने केली आहे. नगराध्यक्ष करण ससाने म्हणाले की विस्थापित व्यापाऱ्यांना लवकरात लवकर न्याय देऊ
विस्थापित व्यापाऱ्यांची गाडी पुन्हा रुळावर यावी यासाठी श्रीरामपूर नगर परिषदेने प्रत्येक व्यापाऱ्याला किमान पाच फूट जागा तातडीने द्यावी व तसा ठराव निवडून आलेले नगराध्यक्ष व नगरसेवकांनी मंजूर करावा, अशी मागणी करण्यात आली आहे. या निवेदनाची दखल घेऊन न्याय दिला गेला नाही, तर श्रीरामपूर दुकानदार पुनर्वसन समितीच्या वतीने उग्र स्वरूपाचे आंदोलन छेडण्यात येईल, असा गंभीर इशाराही सुभाष दादा त्रिभुवन यांनी दिला आहे. त्यावेळी रवी चव्हाण शाहरुख मन्सुरी सुनील दंडवते आसिफ मणियार फयाज पठाण कैलास बाविस्कर जावेद अत्तार श्रीराम निकुंभ सुमन थोरात कल्पना नरोडे अस्लम शेख दादाभाऊ कोरडे गुलाब गायकवाड शाहिद बागवान बापू सोनवणे नंदा परदेशी मुरलीधर पालवे रवींद्र कोरडे, सतीश चव्हाण नामदेव पवार विलास चव्हाण राजेंद्र पवार जावेद सय्यद गोरख बिडवे अशोक जोरवेकर अक्षय गवळी प्रशांत सूर्यवंशी अन्वरअली जावेद सय्यद भरत नारंग जयमाला उंडे शांताराम बकरे सुरेश चौधरी रंगनाथ उदावंत शरीफ शेख गणेश पालकर अदनान मलिक प्रदीप निकुंभ बेबीताई पालकर सूर्यकांत बावस्कर किशोर राजा मुनीर शेख आधी उपस्थित होते
