श्रीरामपूर-
पुण्याच्या पिंपरी चिंचवड येथील तळेगाव दाभाडे पोलीस ठाण्याचे पोलीस पथक श्रीरामपूर शहरात एका गुन्ह्यातील
आरोपीच्या शोधात दाखल झाले होते.सदर आरोपीला पकडण्यासाठी पोलीस शहरातील इराणी गल्ली येथे गेले असता आरोपीच्या समर्थकांनी पोलिसांवर जोरदार दगडफेक करून पोलीस पथकालाच घेराव घालत त्यांच्यावर हल्ला चढवला.पोलिसांवरील या हल्ल्याने पोलिसांनी तात्काळ स्वसंरक्षणासाठी आपल्याकडील पिस्तुलातून हवेत गोळीबार केला.गोळीबाराच्या आवाजाने परिसरात मोठा गोंधळ उडाला.गेल्या काही दिवसांपासून शहरातील वातावरण तणावपूर्ण असल्याने नागरिक या आजच्या गोळीबाराच्या घटनेने अजूनच धास्तावले आहेत.आज बुधवार दि.7 रोजी दुपारी ही घटना घडली असून आयात बाबुलाल सय्यद असे संबंधित आरोपीचे नाव आहे.श्रीरामपूर शहर पोलिसांचे एक पथक पुणे पोलिसांच्या मदतीसाठी तत्काळ घटनास्थळी दाखल झाले होते.घटनेनंतर आरोपी व त्याच्या समर्थकांवर गुन्हा दाखल करण्याचे काम सुरू आहे.
तळेगाव दाभाडे पोलीस स्टेशनमध्ये दाखल असलेल्या गुन्ह्यातील आरोपी आयात बाबुलाल सय्यद याच्या शोधासाठी तळेगाव दाभाडे पोलीस स्टेशनचे पथक श्रीरामपूर शहरातील इराणी गल्ली येथे आले. यावेळी पोलीस आल्याचे समजताच आरोपी आयात सय्यद याच्या समर्थकांनी व काही महिलांनी पोलिसांच्या दिशेने जोरदार दगडफेक करून पोलीस पथकालाच घेराव घालत हल्ला केला. हल्ल्याचे गांभीर्य ओळखून यावेळी पोलीस पथकातील एकाने स्वसंरक्षणासाठी हवेत गोळीबार केला. आरोपीच्या समर्थकांनी केलेल्या हल्ल्यात पोलीस कर्मचारी किरण मदने हे जखमी झाले असून त्यांच्यावर उपचार सुरू आहेत.दरम्यान सायंकाळी पुणे पोलिसांनी आरोपी आयात सय्यद याला पकडून ते पुण्याच्या दिशेने रवाना झाले असल्याची माहिती मिळाली आहे. गेल्या काही दिवसांपासून शहरातील वातावरण अत्यंत तणावपूर्ण आहे. त्यातच आजच्या या घटनेने पुन्हा एकदा खळबळ उडाली आहे.
