श्रीरामपूर-
श्रीरामपूर शहरातील बंटी जहागीरदार यांची काल दि.31 रोजी दुपारी दोन जणांनी दुचाकीवरून येऊन गोळ्या घालून हत्या केली होती.या घटनेचचे चित्रीकरण परीसरातील सीसीटीव्ही फुटेजमध्ये झाले होते. त्यात दिसणाऱ्या दोन आरोपींच्या शोधासाठी पोलिसांनी तीन पथके तयार करून काल रात्री उशिरा यातील दोन्ही आरोपिंना ताब्यात घेतले आहे.कुष्णा अरुण शिनगारे,वय 23 वर्ष,रा-सिध्दार्थनगर,वार्ड नं 1,श्रीरामपूर 2) रविंद्र गौतम निकाळजे,वय 20 वर्ष,रा-भिमनगर,वार्ड नं 6,श्रीरामपूर अशी या आरोपींची नावे असून त्यांनी गुन्ह्याची कबुली पोलिसांना दिली असल्याची माहिती मिळाली आहे.
याबाबत सविस्तर माहिती अशी की,बंटी उर्फ अस्लम जहागीरदार यांच्यावर गोळीबार झाल्याने त्यांना अहिल्यानगर येथे दवाखान्यात नेत असताना त्यांचा रस्त्यातच मृत्यू झाला.श्रीरामपूर शहर पोलीस स्टेशन येथे गुन्हा रजिस्टर नंबर 1/26 कलम 103,109,3(5) BNS तसेच आर्म ऍक्ट कलम 3(25) अन्वये 2 आरोपींविरुद्ध गुन्हा नोंदवण्यात आला आहे.यातील आरोपींचा शोध घेण्यासाठी पथके रवाना करण्यात आली होती. रात्री उशिरा यातील दोनही आरोपी पोलिसांनी ताब्यात घेतले आहेत.
गुन्ह्याच्या अनुषंगाने आरोपींकडे सखोल चौकशी करण्यात येत आहे. गुन्ह्यात वापरलेले शस्त्र आरोपींनी कोठून आणले?गुन्ह्यामध्ये अन्य कोण आरोपी सामील आहेत का? या बाबींचा पोलीस सखोल तपास करत आहेत.दरम्यान घटनेच्या पार्श्वभूमीवर श्रीरामपूर शहरात पोलिसांचा मोठा बंदोबस्त तैनात करण्यात आलेला आहे. सोशल मीडियावर देखील पोलिसांचे बारकाईने लक्ष आहे.पोलिस अधीक्षक सोमनाथ घार्गे व अप्पर पोलीस अधिक्षक सोमनाथ वाकचौरे यांच्या मार्गदर्शनाखाली पोलीस उपअधीक्षक जयदत्त भवर,पो.नि नितीन देशमुख हे पुढील तपास करीत आहे. बंटी जहागीरदार याच्यावर पुणे बॉम्बस्फोटसह १७ गंभीर स्वरूपाचे गुन्हे दाखल आहेत. आज दुपारी बंटी जहागीरदार यांच्या पार्थिवावर अंत्यसंस्कार करण्यात येणार आहेत.
