श्रीरामपूर-
श्रीरामपूर शहरात पोलिसांनी एका दुकानावावर कारवाई करून राज्यात विक्रीस बंदी असलेला 54 हजार रुपये किंमतीचा नायलॉन मांजा जप्त केला आहे. या प्रकरणी शहर पोलीस ठाण्यात गुन्हा दाखल करण्यात आला असून आरोपीला ताब्यात घेण्यात आले आहे.
याबाबत सविस्तर माहिती अशी की,
आज दि. 28 रोजी जिशान अब्दुल गणी शेख, वय 32 वर्ष रा.मौलाना आझाद चौक वार्ड नं 02 हा त्याच्या मौलाना आझाद चौक वार्ड नं. 02 येथील दुकानामध्ये विक्रीस बंदी असलेला नायलॉन मांजाची विक्री करत असल्याची खात्रीशिर माहिती पोलिसांना मिळाली.त्यानंतर पोलीस निरीक्षक नितीन देशमुख यांच्या पथकाने सदर ठिकाणी पंचासह छापा टाकला असता तेथे 54 हजार रू. किंमतीचा मोनो व ब्ल्यँक कंपनीच्या नायलॉन मांज्याचे प्रत्येकी 1000 रुपये किंमतीचे 54 नग मिळून आले. आरोपीवर श्रीरामपूर शहर पोलीस स्टेशन गुरनं. 1116/2025 भारतीय न्यायसंहिता 2023 चे कलम 223,125 सह पर्यावरण संरक्षण अधिनियम 1986 चे कलम 5,15 प्रमाणे गुन्हा दाखल करण्यात आला आहे.
श्रीरामपूर शहर पोलीस स्टेशन तर्फे नागरिकांना आवाहन करण्यात येते की, प्लास्टिक किंवा पक्या धाग्यापासुन बनविलेल्या नायलॉन मांज्याच्या विक्रीमुळे पक्षाना, प्राण्याना व मानवी जिवीतास तिव्र इजा होवुन अपराध घडने किंवा जिवीत हानी होवु शकते हि माहीती असताना देखील तसेच मा. जिल्हाधिकारी कार्यालय अहिल्यानगर निर्णय क्रं. डि.सी. / कार्या 9 व 1/2376/2025 अहिल्यानगर दिनांक 12/12/2025 अन्वये काढलेल्या निर्देशाची अवेज्ञा करुन इतराची जिवीताच्या सुरक्षीतता धोक्यात आननारी कृती करुन नायलॉन मांज्याची विक्री करण्याकरीता दुकानामध्ये, घरामध्ये साठवताना किंवा विक्री करताना कोणी मिळुन आल्यास तात्काळ पोलीस स्टेशनला किंवा डायल 112 वर कॉल करुन माहिती दिल्यास सदर इमसावर तात्काळ गुन्हा दाखल करुन कायदेशिर कारवाई करण्यात येणार आहे. माहिती देण्याऱ्या नागरिकांचे नाव गुप्त ठेवण्यात येणार आहे.
सदरची कारवाई पोलीस अधीक्षक सोमनाथ घार्गे,अप्पर पोलीस अधीक्षक सोमनाथ वाकचौरे तसेच उपविभागीय पोलीस अधिकारी जयदत्त भवर यांच्या मार्गदर्शनाखाली पोलीस निरीक्षक नितीन देशमुख यांच्याकडील तपास पथकातील पोलीस उपनिरीक्षक रोशन निकम, पोकों/ संभाजी खरात, पोकों/मच्छिंद्र कातखडे, पोकों/अजित पटारे, पोकों/रामेश्वर तारडे, पोकों/सचिन काकडे, पोकों/सचिन दुकळे यांनी केली.दाखल गुन्हयाचा अधिक तपास हा पोलीस निरीक्षक नितीन देशमुख साो. यांचे मार्गदर्शनाखाली पोहेकों / राजु त्रिभुवन हे करीत आहेत.
