श्रीरामपूर-
येथील भारतरत्न डॉ. बाबासाहेब आंबेडकर यांच्या पूर्णकृती पुतळा बसविण्यासाठी आवश्यक ते सर्व परवानगी व कागदपत्राची पूर्तता करून सुद्धा काम चालू होत नसल्याने पुतळ्याचे काम चालू व्हावे यासाठी भीमशक्ती संघटनेचे जिल्हाध्यक्ष संदीप मगर, सुनिल मगर,आंबादास निकाळजे, सुनील संसारे,महेंद्र त्रिभुवन,मचिद ढोकणे,अनिल माघाडे, सचिन राठोड, सोमनाथ पटाईत यांच्यासह अनेक भीमसैनिकांनी सुरू केलेल्या आमरण उपोषणाला यश आले आहे.लवकरच श्रीरामपूर येथील डॉक्टर बाबासाहेब आंबेडकर यांचा पूर्णकृती पुतळा साकार होणार आहे.याकरिता प्रशासकीय बाबी तातडीने पूर्ण करून कामाला गती देण्याच्या सूचना आ. हेमंत ओगले यांनी नगरपरिषदेचे मुख्याधिकारी मच्छिंद्र घोलप यांना केल्या आहेत. भारतरत्न महामानव डॉ.बाबासाहेब आंबेडकर यांचा पूर्णकृती पुतळा हा तालुक्याचे माजी आमदार स्वर्गीय जयंतराव ससाणे यांच्या दूरदृष्टीतून तयार झालेला आहे. मात्र काही तांत्रिक बाबींमुळे स्मारकाचे काम थांबले होते. विधानसभेच्या निकालानंतर लगेचच आमदार हेमंत ओगले व उपनगराध्यक्ष करण ससाणे यांनी प्रशासकीय पातळीवर पाठपुरावा करून आवश्यकता लागणाऱ्या सर्व विभागांच्या परवानग्या नगरपरिषद कार्यालयाला मिळवून दिल्या आहेत. आता फक्त प्रशासकीय कामकाज बाकी असून ते तातडीने मार्गी लावून सदर भव्य दिव्य स्मारकाचे काम तातडीने सुरू करावे अशा सूचना आमदार ओगले यांनी नगरपरिषदेच्या प्रशासनाला केल्या आहेत.यावेळी उपनगराध्यक्ष करण ससाने, जिल्हा काँग्रेसचे कार्य अध्यक्ष सचिन गुजर, माजी सभापती बाबासाहेब दिघे, मुख्याधिकारी मच्छिंद्र घोलप यांच्यासह प्रशांत भोसले रितेश एडके सनी बारसे बाळू आवारे विजया बारसे रोहिणी बनसोडे कुणाल वाहुळ तुषार वाहुळ अशोक लोंढे किरण खंडागळे राधाकिसन वाघमारे अशोक पवार विश्वास भोसले संतोष केदारे किशोर सरनागते करण कांबळे संदीप कसबे किरण कसबे प्रशांत नरवडे केसरबाई जावळे सुमनबाई दुशिंग वंदना पठारे प्रभाताई पवार तन्वीर शेख सुरज गायकवाड सोमनाथ गांगुर्डे लखन आवड शिवाजी त्रिभुवन राहुल जाधव विलास जाधव निलेश निगालसह महिला उपोषण स्थळी उपस्थित होते.
