श्रीरामपूर-
श्रीरामपूर शहरात गुंगीच्या नशेच्या नायट्रोझेपम नावाच्या गोळ्या विक्रीकरीता आलेल्या भुसावळ येथील एका सराईत आरोपीला श्रीरामपूर शहर पोलिसांनी जेरबंद केले असून त्याच्या ताब्यातून पोलिसांनी 24,026 रुपये किंमतीचा मुद्देमाल जप्त केला आहे.काल्या ऊर्फ तस्लीम सलीम शेख, वय 30 वर्षे, रा. नाहटा कॉलेज जवळ, इंदिरानगर ता. भुसावळ जि. जळगाव असे पकडलेल्या आरोपीचे नाव आहे.याबाबत सविस्तर माहिती अशी की, दिनांक 17/10/2025 रोजी पोलीस निरीक्षक नितीन देशमुख यांना गुप्त बातमीदारामार्फत माहिती मिळाली की, बस स्टॅण्ड परिसर वॉर्ड नं.05 श्रीरामपूर येथे फुल्याफुल्याचा शर्ट घातलेला एक संशयीत इसम हा गुंगीकारक नशेच्या गोळया विक्री करण्याकरीता आलेला आहे.देशमुख यांनी उपविभागीय पोलीस अधिकारी जयदत्त भवर यांना याबाबत कळवुन त्यांच्या परवानगीने तसेच औषध निरीक्षक सोमनाथ बा. मुळे यांच्याशी संर्पक करुन तात्काळ एका तपास पथकास बस स्टॅण्ड परिसरात जावुन सदर इसमाचा शोध घेवुन कारवाई करण्याचे आदेश दिले.तपास पथकाने तात्काळ बस स्टॅण्ड परिसरात जावुन नमुद वर्णनाच्या संशयीत इसमाचा शोध घेतला असता बस स्टॅण्डच्या भिंतीच्या आडोशाला शौचालयासमोर फुल्याफुल्याचा शर्ट घातलेला एक इसम संशयीतरित्या एक कापडी पिशवी हातामध्ये घेवुन फिरताना पोलीस पथकाला दिसला. तेव्हा त्यास ताब्यात घेवुन त्याच्याकडे चौकशी केली असता त्याने त्याचे नाव काल्या ऊर्फ तस्लीम सलीम शेख, वय 30 वर्षे, रा. नाहटा कॉलेज जवळ, इंदिरानगर ता. भुसावळ जि. जळगाव असे असल्याचे सांगितले. त्यास हातातील पिशवीमध्ये काय आहे असे विचारले असता त्याने सदरच्या पिशवीमध्ये गुंगीकारक नशा आणणाऱ्या नायट्राझेपमच्या गोळया असुन त्या मी विक्रीसाठी आणलेल्या आहेत असे सांगितले. तेव्हा त्याला सदर गोळयाच्या विक्रीबाबत परवाना किंवा वैदयकीय अधिकारी यांची संदर्भचिठ्ठी आहे का, असे विचारले असता त्याने उडवाउडवीचे उत्तरे दिल्याने त्याच्या हातातील पिशवीची व त्याची अंगझडती घेतली असता त्याच्याकडे 1026/- रु. किंमतीच्या नायट्राझेपम (Nitrazepam Tablets IP) गोळयाचे एकुण 19 पाकिटे त्यामध्ये प्रत्येकी 10 गोळया असलेले व एक पाकिटाची छापील किंमत 54 रु. असलेले तसेच 23,000 रु. रोख रक्कम असा एकूण 24,026 रुपयांचा मुद्देमाल जप्त करण्यात आला आहे. त्याच्या विरुध्द श्रीरामपूर शहर पोलीस स्टेशन येथे गुरनं. 928/2025 भारतीय न्याय संहिता कलम 123, 125,278 प्रमाणे गुन्हा दाखल करण्यात आला असुन त्यास अटक करण्यात आली आहे.सदरची कारवाई पोलीस अधीक्षक सोमनाथ घार्गे, अप्पर पोलीस अधीक्षक सोमनाथ वाकचौरे, उपविभागीय पोलीस अधिकारी जयदत्त भवर यांच्या मार्गदर्शनाखाली पोलीस निरीक्षक नितीन देशमुख यांच्याकडील तपास पथकातील पोलीस उपनिरीक्षक समाधान सोळंके, पोलीस उपनिरीक्षक रोशन निकम, पोहेकों/प्रसाद साळवे, पोना/संदीप दरदंले, पोकों / अजित पटारे, पोकों / मच्छिंद्र कातखडे, पोकों/संभाजी खरात, पोकों/सचिन दुकळे, पोकों/आजिनाथ आंधळे, पोकों/ज्ञानेश्वर वाघमोडे यांनी केली असुन दाखल गुन्हयाचा अधिक तपास पोलीस निरीक्षक नितीन देशमुख यांचे मार्गदर्शनाखाली सहाय्यक पोलीस निरीक्षक रामचंद्र शिखरे हे करीत आहेत.
