श्रीरामपूर-
श्रीरामपूर तालुक्यातील बेलापूर येथील प्रवरा नदीवरील पुलावरून एका जणाने नदीत उडी मारत आत्महत्या केल्याची घटना घडली असुन याबाबत अजून पोलीसांनी अधिकृत कुठलीही माहिती दिली नाही. प्रवरा नदीवरील पुलावर पोलिसांच्या पथकाकडून शोध मोहीम राबविण्यात येत आहे.परंतु पाऊस जोराचा सुरू असल्याने त्यात अडथळे येत आहेत.
याबाबत सविस्तर माहिती अशी की,आज शनिवार दि.२७ सप्टेंबर रोजी सकाळ एका अज्ञाताने बेलापूर येथील प्रवरा नदीवरील पुलावरून उडी मारून आत्महत्या केल्याची घटना घडली.सदर व्यक्ती नदीत उडी मारत असताना तेथील काही जणांनी या व्यक्तीला पाहिले.त्याने पांढरा शर्ट घातलेला असल्याचे या प्रत्यक्षदर्शीचे म्हणणे आहे.घटनेची माहिती मिळाल्यानंतर बेलापूर खुर्दचे पोलीस पाटील युवराज जोशी हे घटनास्थळी आले होते.त्यांनी पोलिसांना घटनेबाबत कळवल्यानंतर बेलापूर पोलीस घटनास्थळी हजर झाले.पोलिसांनी त्यानंतर त्या व्यक्तीची शोधमोहीम सुरू केली. साधारण 2 ते 3 तास शोध घेतल्यानंतरही पोलिसांच्या हाती काहीच न लागल्याने सदर व्यक्ती मृत झाल्याचीच शक्यता व्यक्त केली जात आहे.परंतु याबाबत अधिकृतरित्या पोलिसांनी कळवलेले नाही.
हा व्यक्ती कोण होता? त्याने नदीत उडी मारून आपले जीवन का संपवले याची माहिती अजून समजली नाही.
