श्रीरामपूर-
छत्रपती शिवाजी रोडवर झालेल्या गोळीबाराच्या थरारानंतर श्रीरामपूर पोलिसांनी कारवाई करून मुख्य आरोपी हुजेफा शेखसह इतर दोन फरार आरोपींना जेरबंद केले आहे.
शुक्रवारी दुपारी शिवाजी रस्त्यावरील गिरमे चौकात हुजेफा अनिस शेख याने पिस्तुलातून दोन गोळ्या झाडल्याचे फिर्यादीत म्हटले आहे. या प्रकरणी आता मुख्य आरोपी हुजेफा शेख याच्यासह गोरख जेधे आणि ऋषिकेश कांबळे या दोघांनाही पोलिसांनी अटक केली आहे. घटनेचे गांभीर्य लक्षात घेऊन जिल्हा पोलिस प्रमुख सोमनाथ घार्गे व अपर पोलीस अधीक्षक सोमनाथ वाकचौरे यांच्या सूचनांनुसार, उपविभागीय पोलीस अधिकारी जयदेव भंवर यांच्या नेतृत्वाखालील पथकाने ही कारवाई केली. शहर पोलीस ठाण्याचे निरीक्षक नितीन देशमुख व त्यांच्या सहकाऱ्यांनी सीसीटीव्ही फुटेजच्या आधारे आरोपींचा शोध घेत सापळा रचून हुजेफा शेखला बेड्या ठोकल्या. त्याचबरोबर विविध गंभीर गुन्ह्यांमध्ये फरार असलेल्या इतर दोन आरोपींनाही ताब्यात घेतले.पोलिसांच्या या तातडीच्या हालचालींमुळे नागरिकांमध्ये दिलासा निर्माण झाला आहे. शहरात वाढणाऱ्या गुन्हेगारीला आळा बसण्यास मदत होईल, तसेच पोलीस प्रशासनाच्या नव्या अॅक्शन प्लॅनमुळे कायदा व सुव्यवस्थेवरचा जनतेचा विश्वास अधिक बळकट होईल, असा विश्वास नागरिक व्यक्त करत आहेत.
