श्रीरामपूर-
तालुक्यातील बेलापूर खूर्द ग्रामपंचायतीच्या सरपंचपदी सविता राजुळे यांची बिनविरोध निवड करण्यात आली.
बेलापूर खुर्द ग्रामपंचायतीच्या सरपंच प्रणाली भगत यांनी सरपंच पदाचा राजीनामा दिल्यानंतर रिक्त झालेल्या सरपंच पदासाठी निवडणूक घेण्यात आली. निवडणुकीत सविता राजुळे यांचा एकमेव अर्ज आला होता. त्यामुळे सरपंचपदी सौ.राजुळे यांची बिनविरोध निवड करण्यात आली. यावेळी ग्रामपंचायत सदस्य अनिल गाडे, वसंत पुजारी, दिलीप भगत, राजेंद्र बारहाते, माजी सरपंच प्रणाली भगत, कल्पना भगत, राणी पुजारी, नयना बडधे, प्रियंका थोरात आदी सदस्य हजर होते.
निवडणूक अधिकारी म्हणून नितीन मुळे यांनी काम पाहिले. त्यांना ग्रामविकास अधिकारी राजेंद्र मेहत्रे आणि कामगार तलाठी श्रीमती.शिंदे यांनी सहकार्य केले. याप्रसंगी तनपुरे कारखान्याचे माजी संचालक द्वारकनाथ बडदे, ज्ञानदेव वाकडे, विनय भगत, प्रतिक राजुळे, राजेंद्र कुंकूलोळ, सुनील क्षिरसागर, शशिकांत पुजारी, रामदास थोरात, राकेश बडदे, बी.एम. पुजारी, गोरख भगत, पंकज खर्डे, जितेश महाडिक, विक्रांत पाटील, पंकज पाटील, पोलीस पाटील उमेश बारहाते, युवराज जोशी, ऋषिकेश बारहाते, चंद्रकांत गाढे, ऋषिकेश महाडिक, रणजीत काळे, सतीश बारहाते, अशोक महाडिक, राजेंद्र गागरे, शंकर बारहाते, अनिल बारहाते, प्रशांत बडदे, नंदू कुर्हे, समीर सय्यद, अर्जुन गोरे, कैलास थोरात, गणेश महाडिक, अमोल जोशी, किशोर कांबळे, राहुल शेलार, सुनील बडधे, संतोष बडधे, महेश बडधे, सागर तागड आदींसह ग्रामस्थ उपस्थित होते.यानिवडीबद्दल सौ.राजुळे यांचे पालकमंत्री राधाकृष्ण विखे पाटील, माजी खासदार सुजय विखे पाटील,मा. आ. भानुदास मुरकुटे व शरद नवले यांनी अभिनंदन केले आहे.
