श्रीरामपुरच्या नगराध्यक्षपदी काँग्रेसचे करण ससाणे;प्रतिष्ठेच्या लढाईत भाजपच्या बिहाणी यांचा पराभव;राष्ट्रवादीच्या अनुराधा आदिक यांचाही धक्कादायक पराभव
श्रीरामपूर-नितीन शेळकेश्रीरामपूर नगरपरिषदेच्या अत्यंत चुरशीच्या झालेल्या निवडणुकीत काँग्रेसने पुन्हा एकदा आपले निर्विवाद वर्चस्व सिद्ध करत श्रीरामपूर नगरपालिकेवर आपली एकहाती सत्ता आणली.काँग्रेस...
श्रीरामपूर-नितीन शेळके श्रीरामपूर नगरपरिषदेच्या अत्यंत चुरशीच्या झालेल्या निवडणुकीत काँग्रेसने पुन्हा एकदा आपले निर्विवाद वर्चस्व सिद्ध करत श्रीरामपूर नगरपालिकेवर आपली एकहाती सत्ता आणली.काँग्रेस व भाजपने अत्यंत प्रतिष्ठेच्या केलेल्या या नगरपालिका निवडणुकीत भाजपला पराभवाचा धक्का सहन करावा लागला.यासह माजी नगराध्यक्षा आणि राष्ट्रवादी काँग्रेसच्या नगरसेवकपदाच्या उमेदवार अनुराधा आदिक यांचाही या निवडणुकीत पराभव झाल्याने राजकीय वर्तुळात मोठी खळबळ निर्माण झाली आहे.या निवडणुकीत राष्ट्रवादी पक्षाला आपले खाते देखील उघडता न आल्याने पक्षाची मोठी नाचक्की झाली आहे.दरम्यान नगराध्यक्षपदी काँग्रेसचे उमेदवार करण ससाणे यांनी दणदणीत विजय मिळवत शहराचा प्रथम नागरिक होण्याचा सन्मान प्राप्त केला आहे. नगरसेवक पदाच्या काँग्रेसने सर्वाधिक २० जागा जिंकल्या. बहुमत प्राप्त केले आहे. भारतीय जनता पक्षाच्या १० जागा तर शिवसेना शिंदे गटाच्या ३ जागा आणि एका अपक्ष उमेदवाराने विजय संपादन केला आहे.नगराध्यक्ष करण ससाणे यांच्या नेतृत्वाखाली काँग्रेसने मिळवलेल्या या विजयामुळे कार्यकर्त्यांनी ढोल ताशांच्या गजरात आणि गुलालाची उधळण करत विजयाचा जल्लोष केला. श्रीरामपूर नगरपरिषदेच्या नगराध्यक्षपदी काँग्रेसचे करण ससाणे हे २४७२४ मते मिळवून विजयी झाले.तर पराभूत उमेदवार भाजपचे श्रीनिवास बिहाणी १७९५७,शिवसेना शिंदे गटाचे प्रकाश चित्ते ८०८६, उबाठा गटाचे अशोक थोरे ७५१,कोल्हे वसंत विठ्ठल (अपक्ष) ६२४,भालेराव निलेश भागाजी (अपक्ष) १७९,शेख जोयेफ युनुस (सपा) ७६८,शेंडे आकाश सुरेश (बसपा) ३२९,त्रिभुवन चरण दादा (वंचित) २३९ इतकी मते मिळाली. तर नगरसेवकपदी प्रभाग १ मधून वमने दिपक वसंतराव (काँग्रेस) ,कक्कड सोनिया चरणजितसिंग (काँग्रेस) , प्रभाग २ मधून चव्हाण प्रणिती दिपक (काँग्रेस), दाभाडे अर्जुन खुशाल (अपक्ष) तर प्रभाग ३ मधून एडके नागेश्वरी भाऊसाहेब उर्फ रितेश ( काँग्रेस ) ९४४, सानप कांचन दिलीप (काँग्रेस) ,प्रभाग ४ मधून नागरे दिलीप एकनाथ (काँग्रेस) , सेठी नवनीत कौर हरदीप सिंग उर्फ लकी सेठी (काँग्रेस) ,प्रभाग ५ मधून शेख जकिया सादिक (काँग्रेस) ,शेख मुजफ्फर पापाभाई (काँग्रेस),प्रभाग ६ मधून पवार राजेंद्र जगन्नाथ (काँग्रेस), शहा शाहेला शहारोज (काँग्रेस) प्रभाग ७ मधून आढागळे शाम अर्जुन (काँग्रेस),शेख यासमीन जावेद (काँग्रेस),प्रभाग ८ मधून कुरेशी जाहेदाबी कलीम (काँग्रेस) ,शेख रईस अब्दुलगनी (काँग्रेस) प्रभाग ९ मधून फंड सिध्दार्थ संजय (भाजप),शेख निलोफर महमंद (काँग्रेस),प्रभाग १० मधून पोटे वैशाली सुभाष (काँग्रेस), गांगड संदेश जनार्दन (भाजप),प्रभाग ११ मधून मुरकुटे मंजुश्री सिध्दार्थ (शिंदे सेना), धनवटे आशिष विजयकुमार (भाजप),प्रभाग १२ मधून बेग आकाश अशोक (शिंदे सेना),पाटील जयश्री रवि (भाजप), चव्हाण वैशाली दिपक (भाजप),चव्हाण दिपक बाळासाहेब (भाजप),प्रभाग १४ मधून कांबळे संतोष भाऊसाहेब (शिंदे सेना) , परदेशी आशा संतोष (काँग्रेस),प्रभाग १५ मधून नागले योगिता निलेश (काँग्रेस), जाधव योगेश लक्ष्मणराव (काँग्रेस),प्रभाग १६ मधून रासकर आशा शशांक (भाजप),छाजेड जितेंद्र सुभाष (भाजप),प्रभाग १७ मधून खोरे स्नेहल केतन (भाजप),लबडे मनोज दादासाहेब (भाजप) विजयी झाले आहेत.
श्रीरामपूरच्या जनतेने दडपशाहीला नाकारले.35 वर्षांत येथे कधीही जातीयवादी शक्तींना थारा मिळालेला नाही.येथील जनता ही स्वाभिमानी असून सदैव विकासाच्या पाठीशी असल्याचे या निकालाने दाखवून दिले आहे.-आ. हेमंत ओगले
श्रीरामपूरच्या नागरिकांनी कोणत्याही दडपशाहीला आणि प्रलोभनांना बळी न पडता सजग,स्वाभिमानी असल्याचे दाखवून दिले.मतदारांनी माजी आमदार स्व.जयंत ससाणे यांच्या विचारांवर विश्वास ठेवून काँग्रेसला मतदान केले.श्रीमपूरला पुन्हा गतवैभव प्राप्त करून देण्यासाठी आपण कटिबद्ध आहे. –नवनिर्वाचित नगराध्यक्ष करण ससाणे
जनतेने दिलेला कौल नम्रपणे स्वीकारत आहे आणि येथील पुढील काळातही जनतेची सेवा करणार आहे.जिंकलेल्या उमेदवारांना माझ्या शुभेच्छा. शहराच्या विकासासाठी मी कटिबद्ध आहे. –नगराध्यक्षपदाचे उमेदवार श्रीनिवास बिहाणी
बातम्या व जाहिरातीसाठी संपर्क करा: +91 98229 83223
श्रीरामपूर-श्रीरामपूर तालुक्यातील गळनिंब येथे 12 जूनच्या मध्यरात्री येथील ग्रामदैवत श्री.सिद्धेश्वर मंदिरातील दानपेटी फोडून चोरी करण्याचा प्रयत्न करणाऱ्या तीन चोरट्यांना पोलिसांच्या पथकाने जेरबंद केले.आरोपींकडून चोरीसाठी वापरण्यात आलेली दुचाकी,विविध कंपनीचे मोबाईल फोन
श्रीरामपूर-श्रीरामपूर तालुक्याची कामधेनु म्हणून संबोधल्या जाणाऱ्या अशोक सहकारी साखर कारखान्याच्या नूतन व्हा. चेअरमन पदी निवड झाल्याबद्दल खैरी निमगाव येथील प्रगतशील शेतकरी आदिनाथ पा. झुराळे यांचा टाकळीभान येथील उत्तमराव पवार यांच्या
श्रीरामपूर-माळेवाडी येथे शेतकरी संघटनेचे जिल्हाध्यक्ष अनिल औताडे यांच्या नेतृत्वाखाली राज्य सरकारने शेतकऱ्यांची कर्जमाफी च्या नावाखाली केलेल्या फसवणूकीच्या शासन आदेशाची होळी करण्यात आली.यावेळी शेतकरी संघटनेचे जिल्हाध्यक्ष अनिल औताडे म्हणाले की,विधानसभा निवडणुकीपूर्वी भाजप राष्ट्रवादी काँग्रेस
श्रीरामपूर-श्रीरामपूर शहरातील शिवसेनेचा पदाधिकारी प्रशांत कहाणे यांच्यासह आणखी इतर सात जणांवर एका महिलेच्या तक्रारीवरून ॲट्रोसिटीचा गुन्हा दाखल करण्यात आला आहे.शहर पोलीस ठाण्यात भा न्या सं कलम 189,190,192,351(2),352, अनुसूचित जाती आणि
श्रीरामपूर-श्रीरामपूर शहरातील गोंधवणी परिसरात शिवसेना (शिंदे गट) युवा विधानसभा संघटक प्रशांत कहाणे यांच्यावर अज्ञात हल्लेखोरांनी गोळीबार केला. दि.८ जून रोजी रात्री पावणेदहा वाजेच्या सुमारास ही गोळीबारीची घटना घडली. या जीवघेण्या
श्रीरामपूर-श्रीरामपूर तसेच अहिल्यानगर जिल्ह्यातील मनमानी पद्धतीने विद्यार्थ्यांकडून क्लासची फी घेणाऱ्या कोचिंग क्लासवर कारवाई करावी या मागणीचे निवेदन रिपाईचे जिल्हा कार्याध्यक्ष सुभाष त्रिभुवन यांनी जिल्हाधिकारी डॉ.पंकज आशिया यांना आज दिले आहे.जिल्हाधिकारी
