श्रीरामपूर-
श्रीरामपुर शहरात पोलिसांनी नायलॉन मांजावर धडक कारवाई सुरू केली आहे.शहरात श्रीरामपुर पोलीसांनी एका घरावर छापा घालत 20 हजार रुपये किमतीचा मोनो केटीसी कंपनीचा नायलॉन मांजा जप्त केला.कारवाईत एका आरोपीस ताब्यात घेत श्रीरामपूर शहर पोलीस स्टेशनला भारतीय न्यायसंहिता 2023 चे कलम 223,125 सह पर्यावरण संरक्षण अधिनियम 1986 चे कलम 5,15 प्रमाणे गुन्हा दाखल करण्यात आला आहे.शाहरुख नुरमोहम्मद पठाण, वय 27 वर्षे, रा.डॉ.बाबासाहेब आंबडेकर पुतळयाजवळ, वॉर्ड नं.02, श्रीरामपूर असे आरोपीचे नाव आहे.
याबाबत अधिक माहिती अशी की,आरोपी पठाण
याच्या राहते घरामध्ये विक्रीस बंदी असलेला नायलॉन मांजा असल्याची खात्रीशीर बातमी मिळाल्याने पोलीस निरीक्षक नितीन देशमुख यांच्या आदेशाने पोलीसांना तात्काळ सदर ठिकाणी छापा टाकला असता त्याच्या घरामध्ये मोनो केटीसी कंपनीचा नायलॉन मांज्याचे प्रत्येकी 1000 रुपये किंमतीचे 20 नग मिळून आले.
श्रीरामपूर शहर पोलीस स्टेशनतर्फे नागरिकांना आवाहान करण्यात येते की, प्लास्टिक किंवा पक्या धाग्यापासुन बनविलेल्या नायलॉन मांज्याच्या विक्रीमुळे पक्षाना, प्राण्याना व मानवी जिवीतास तीव्र इजा होवुन अपराध घडणे किंवा जिवीतहानी होवु शकते हि माहीती असताना देखील तसेच जिल्हाधिकारी कार्यालय,अहिल्यानगर निर्णय क्रं. डि.सी./कार्या 9 ब 1/2376/2025 अहिल्यानगर दिनांक 12/12/2025 अन्वये काढलेल्या निर्देशाची अवज्ञा करुन इतरांची जिवीताच्या सुरक्षितता धोक्यात आणणारी कृती करुन नायलॉन मांज्याची विक्री करण्याकरीता दुकानामध्ये, घरामध्ये साठवताना किंवा विक्री करताना कोणी मिळुन आल्यास तात्काळ पोलीस स्टेशनला किंवा डायल 112 वर कॉल करुन माहिती दिल्यास सदर इमसावर तात्काळ गुन्हा दाखल करुन कायदेशीर कारवाई करण्यात येणार आहे.माहिती देण्याऱ्या नागरिकांचे नाव गुप्त ठेवण्यात येणार आहे.
सदरची कारवाई पोलीस अधीक्षक सोमनाथ घार्गे, अप्पर पोलीस अधीक्षक श्रीरामपूर सोमनाथ वाकचौरे,उपविभागीय पोलीस अधिकारी, श्रीरामपूर विभाग श्रीरामपूर, जयदत्त भवर यांच्या मार्गदर्शनाखाली पोलीस निरीक्षक,श्रीरामपूर शहर पोलीस स्टेशन श्री.नितीन देशमुख यांचेकडील तपास पथकातील पोलीस उपनिरीक्षक रोशन निकम,पोलीस उपनिरीक्षक दादाभाई मगरे, पोहेकॉ/प्रसाद साळवे, पोकॉ/ संभाजी खरात, पोकॉ/मच्छिंद्र कातखडे, पोकॉ/अजित पटारे, पोकॉ/ अमोल पडोळे, पोकॉ/सचिन दुकळे, पोकॉ/रामेश्वर तारडे,पोकॉ/सचिन काकडे, पोकॉ/रविंद्र शिंदे, यांनी केली असुन दाखल गुन्हयाचा अधिक तपास हा पोलीस निरीक्षक नितीन देशमुख यांच्या मार्गदर्शनाखाली पोहेकॉ/ राजु त्रिभुवन हे करीत आहेत.
