श्रीरामपूर-
श्रीरामपूर शहरातील वार्ड नंबर 2 येथे श्रीरामपूर शहर पोलिसांनी एका जणाला पाच तलवारिंसह बेड्या ठोकल्या आहेत.कालच 3 गावठी कट्टे आणि 4 आरोपींना पोलिसांनी अटक केल्यानंतर आज पुन्हा एका आरोपीला तलवारिंसह पोलिसांनी अटक केल्याने श्रीरामपूरात नेमकं चाललंय तरी काय असा प्रश्न सर्वसामान्य नागरिकांना पडतो आहे. दरम्यान आरोपी गुलाबनबी अन्वर शेख याच्या विरोधात पोलिसांनी
श्रीरामपुर शहर ठाणे येथे गु.र.क्र 881/2025 आर्म अँक्ट कलम 4,7,25 प्रमाणे गुन्हा दाखल केला आहे.
याबाबत सविस्तर माहिती अशी की,
दि.25/09/2025 रोजी पोलीस निरीक्षक नितीन देशमुख यांना मिळालेल्या गुप्त माहीतीच्या आधारे त्यांनी पोलीस पथक पंचासह काजीबाबा दर्गाच्या पाठीमागे वार्ड नं 02 श्रीरामपुर येथे पाठवले. तेथे आरोपी गुलाबनबी अन्वर शेख .रा. काझीबाबा दर्गाच्या पाठीमागे वॉर्ड नं. 02, श्रीरामपूर यास पोलिसांनी ताब्यात घेतले. आरोपीकडे चौकशी केली असता त्याने बेकायदा असलेल्या व आजोबाच्या घरामध्ये लपवुन ठेवलेल्या 3 हजार रु.किंमतीच्या पाच तलवारी पंचासमक्ष पोलिसांना काढुन दिल्या. त्या पोलीसांनी ताब्यात घेतल्या.तसेच आरोपीत इसम यास पोलीस ठाणे येथे आणुन त्याच्याविरुध्द श्रीरामपुर शहर ठाणे येथे आर्म अँक्ट प्रमाणे गुन्हा दाखल केला.
सदरची कारवाई पोलीस अधीक्षक सोमनाथ घार्गे, अप्पर पोलीस अधीक्षक सोमनाथ वाकचौरे तसेच उपविभागीय पोलीस अधिकारी जयदत्त भवर यांच्या मार्गदर्शनाखाली पोलीस निरीक्षक नितीन देशमुख यांचेकडील पथकातील पोसई/समाधान सोळंके, स.पो.उपनिरीक्षक सुर्यवंशी, पो.ह.साळवे. पोना/संदीप दरंदले, पोकों/संभाजी खरात, पो. काँ/कातखडे, पो.काँ/पटारे, पो.काँ /वाघमारे. पो. काँ/शिंदे, पो.काँ / दुकळे. पो. काँ गिरी, म.पो. काँ / मुसमाडे यांनी केली असुन दाखल गुन्हयाचा अधिक तपास हा पोलीस पो.हे. काँ राजेंद्र त्रिभुवन हे करीत आहेत.
