श्रीरामपुर-
सर्वोच्च न्यायालयाने वादयांच्या आवाजाबाबत किमान डेसीबल मर्यादा ठरवुन दिलेली असुन त्याचे उल्लंघन करणाऱ्या डिजे मालक व गणेश मंडळांच्या अध्यक्षांवर श्रीरामपुर शहर पोलीसांनी कारवाई करून ध्वनी प्रदुषण अधिनियम तसेच इतर कायदयान्वये गुन्हे दाखल केले असुन डी. जे जप्ती व पुढील कार्यवाही करण्यात येणार आहे.
शहरात वेळोवेळी साजऱ्या होणाऱ्या सर्वधर्मियांच्या सण उत्सव तसेच लग्न व इतर समारंभप्रसंगी कर्णकर्कश आवाजात वादय वाजविले जात असल्याचे वेळोवेळी तक्रारी प्राप्त होत असतात. त्यासंदर्भात सर्वोच्च न्यायालयाने वादयांचे आवाजाबाबत किमान डेसीबल मर्यादा ठरवुन दिलेली असुन त्याचे उल्लंघन करणाऱ्यावर कारवाई करणेबाबत आदेशीत केलेले आहे. चालु वर्षी गणेश विसर्जनापुर्वी कर्णकर्कश व जनतेला त्रासदायक असे वादय वाजवुन ध्वनी प्रदुषण न करणेबाबत श्रीरामपुर शहरातील डिजे चालक मालक तसेच गणेश मंडळ यांना प्रचलित कायदे व ध्वनी प्रदुषण अधिनियम २००० चे कलमांबाबत आवश्यक सूचना व मार्गदर्शन करुन सार्वजनिक गणेश मंडळांना बी.एन.एस.एस. १६८ प्रमाणे नोटीस देण्यात आलेली होती.दि.०६/०९/२०२५ रोजी गणेश विसर्जन मिरवणुकिदरम्यान मोठ्या आवाजात डी. जे वाजवुन ध्वनी प्रदुषण करणाऱ्या डी.जे वाहनांची श्रीरामपुर पोलीस स्टेशन मार्फत तपासणी करण्यात आली. न्यायालयाचे आदेश व पोलीसांनी दिलेल्या सुचना यांचे उल्लंघन करुन कर्णकर्कश आवाजात डी.जे वाजविणाऱ्या शंभु राजे मित्र मंडळाचे अध्यक्ष उमेश छल्लारे व डी.जे. साऊंड सिस्टीम चालक अश्पाक मोईनोद्दीन तांबोळी, अष्टविनायक मित्र मंडळाचे अध्यक्ष जयेश सुरेश झरेकर व गणेश ०९ या नांवाचे डी.जे. साऊंड सिस्टीम मालक चालक गणेश गिते,महाकाल मित्र मंडळाचे अध्यक्ष सनी गौतम व सदगुरु डी.जे. साऊंड सिस्टीम मालक/चालक निखील विलास बनसोडे यांचेविरुध्द श्रीरामपुर शहर पोलीस स्टेशन येथे ध्वनी प्रदुषण अधिनियम तसेच इतर कायदयान्वये गुन्हे दाखल करण्यात आले असुन डी. जे जप्ती व पुढील कार्यवाही करण्यात येणार आहे.सदरची कारवाई पोलीस अधीक्षक सोमनाथ घार्गे,अपर पोलीस अधीक्षक सोमनाथ वाकचौरे, उपविभागीय पोलीस अधिकारी जयदत्त भवर यांचे मार्गदर्शनाखाली पोलीस निरीक्षक नितीन देशमुख, चा. स. फौ. सुर्यवंशी, पोहेकों दिपक कदम, पोहेकों प्रसाद साळवे, पोना दादासाहेब लोढे, पोकों आंबादास आंधळे, पोकों आजिनाथ आंधळे, होमगार्ड देवकुळे, होमगार्ड कलंके यांनी केली आहे.
