श्रीरामपूर-
श्रीरामपूरात उत्तेजक नशेच्या मेफेन्टरिन इंजेक्शनची विक्री करणाऱ्या एका तरुणीसह तिच्या एका साथीदाराला श्रीरामपुर शहर पोलिसांनी सापळा रचत अटक केली आहे.याबाबत या दोघांविरोधात पोलीस ठाण्यात गुन्हा दाखल करण्यात आला आहे. या इंजेक्शनची खरेदी-विक्री करण्याचा कोणताही परवाना त्यांच्याकडे नसल्याने पोलिसांनी दोघांनाही अटक केली आहे.जिम मध्ये व्यायाम करणाऱ्या तरुणांना ही औषधे विक्री केली जात असताना त्यांना पोलिसांनी ताब्यात घेतले.गेल्या काही दिवसांपासून वाढत्या पोलीस कारवायांच्या पार्श्वभूमीवर श्रीरामपूर परिसर नशेबाजीच्या विळख्यात अडकत चालल्याचे दिसून येत आहे.
याबाबत सविस्तर माहिती अशी की, शिल्पा शेळके ही तरुणी नोंदर्न ब्रांच, श्रीरामपूर येथे नशेच्या बॉटलची विक्री करण्यासाठी निळ्या रंगाचे जुपीटर कंपनीच्या स्कुटीवर येणार आहे.तसेच सदर नशेच्या बॉटल हया तिचे स्कुटीचे डिकीत आहेत अशी गुप्त माहिती पोलिसांना मिळाली.
त्यानंतर पोलिस निरीक्षक नितीन देशमुख,उपनिरीक्षक दीपक मेढे,पो कॉ आंबादास आंधळे, मिरा सरग आदींनी सापळा लावून तिला ताब्यात घेतले.तिला ताब्यात घेऊन झडती घेतली असता गाडीच्या डिकीत सुमारे १६ हजार ७४० रुपये किंमतीचे इंजेक्शन आढळून आले.तिच्याकडे कोणताही औषध खरेदी विक्रीचा परवाना नाही. औषधाची खरेदी बिलही नव्हते. तसेच सदरचे औषधे जिममध्ये पुरवले जायचे.यामध्ये गणेश मुंडे रा.स्वप्ननगरी, गोंधवणी, श्रीरामपूर याचे साथीने विक्री करत असल्याचे सांगितले.गुंगीकारक व अपायकारक औषधे अवैधरित्या विना परवाना विना खरेदी बिलाने घेवुन विना विक्री बिलाने छापील किंमती पेक्षा जास्त किंमतीस विक्री करत असल्याचे स्पष्ट झाले आहे. याप्रकरणी शिल्पा बापू शेळके,गणेश मुंडे, दोघे रा. गोंधवणी, श्रीरामपूर, यांचे विरुध्द सरकारतर्फे फिर्याद दाखल करण्यात आली आहे.
सदरची जप्त करण्यात आलेल्या औषधे ही प्रवर्ग एच प्रकारात मोडत असुन ती फक्त परवाना धारकाने डॉक्टरांच्या चिठ्ठीवर विक्री करणे बंधनकारक आहे. सदर औषधे डॉक्टरांच्या चिठ्ठी शिवाय औषधाचा मुळ गुणधर्म माहित नसताना जिममध्ये व्यायाम करणारे तरुणांना व इतर ग्राहकांना विक्री केली जाते. अशा औषधाच्या वापरामुळे ग्राहकांच्या आरोग्यास व जिवीतास हानी होण्याची शक्यता आहे. सदर औषधाचा उपयोग हा कमी रक्तदाबामध्ये केला जातो तसेच त्याचा गैरवापर हा शारीरक क्षमता वाढविण्यासाठी होतो. सदर औषध हे डॉक्टराच्या सल्याशिवाय तसेच निगरानी शिवाय घेतल्यास ग्राहकाच्या आरोग्यास धोका निर्माण होवुन जिवीतास हाणी होवु शकते अशी माहीती अन् व औषध अधिकारी श्री.मुळे यांनी दिली आहे.
बऱ्याच दिवसांपासून या गुन्ह्याच्या पध्दतीवर आम्ही गुप्तपणे लक्ष ठेऊन होतो.अखेर आज सापळा रचून कारवाई करत महिलेसह तिच्या साथीदाराला अटक करून न्यायालयात हजर केले जाणार आहे.महिलेच्या घराचीही झडती घेण्यात आली आहे.
-नितीन देशमुख,पोलीस निरीक्षक
