श्रीरामपूर-
पिंपरी निर्मळ, ता. राहाता परिसरात निळवंडे कॅनॉल शेजारी असलेल्या एका खोलीमध्ये महिलांकडुन १० हजार रुपये घेवून त्यांची बेकायदा गर्भलिंग निदान तपासणी करणारी टोळी पोलिसांनी पकडली असून या कारवाईत पोलिसांनी 24 लाख 9 हजारांचा मुद्देमाल जप्त केला आहे.या प्रकरणी डॉ. स्वाती गोपळराव पवार, वैदयकीय अधिक्षक, ग्रामिण रुग्णालय लोणी, ता. राहाता, जि. अहिल्यानगर यांच्या फिर्यादीवरुन लोणी पोलीस स्टेशन येथे गु.र.नं. १६५/२०२६ महाराष्ट्र मेडिकल प्रॅक्टीश्नल अॅक्ट १९६१ चे कलम ३३,३३ (अ), ३६ सह गर्भधारणापुर्व आणि प्रसुतिपुर्व निदान तंत्र (लिंग निवड प्रतिबंधक कायदा सन १९९४ चे कलम ३(३),३ (अ), ३ (ब), ६(१)६ (२),६(३),१८,२३(१),२४,२५,२६ सह भा.न्या.सं. कलम २२३ प्रमाणे गुन्हा दाखल करण्यात आला आहे. सदर गुन्हयात डॉक्टर त्यांचे एजंट यांसह एकुण ९ आरोपिंना अटक असुन करण्यात आली आहे.
याबाबत सविस्तर माहिती अशी की,
दि.२९/०४/२०२६ रोजी सोमनाथ वाघचौरे, अपर पोलीस अधीक्षक, कार्यालय श्रीरामपुर यांना गोपनिय बातमी मिळाली की, काही इसमांकडुन पिंपरी निर्मळ शिवारात, ता. राहाता येथील निळवंडे कॅनॉल शेजारी असलेले खोलीमध्ये महिलांकडुन १०,०००/- रु. घेवून त्यांची बेकायदा गर्भलिंग निदान तपासणी करण्यात येत आहे. त्यांनी आपल्या कार्यालयाचे पथक लोणी पोलीस स्टेशनच्या पोलिसांबरोबर सदर ठिकाणी पाठवून कारवाई करण्याचे आदेश दिले. त्यानुसार पोलिसांनी बनावट गरोदर महिला ग्राहक म्हणुन पाठवुन खात्री करत सापळा रचला.
त्यानुसार नमुद पथकाने सदर ठिकाणास चारही बाजुन घेरुन तेथे छापा टाकला असता त्या ठिकाणी दोन खोल्यांचे घर व त्यासमोर एक पत्र्यांची पडवी असुन आतील खोलीमध्ये २ पुरुष व बनावट महिला पोलीस ग्राहक मिळुन आले. सदर इसमांना त्यांचे नाव पत्ता विचारले असता त्यांनी त्यांचे नावे डॉ. राहुल आबासाहेव भनगे, वय ३४ वर्ष, धंदा बी.ए.एम.एस. डॉक्टर, रा.भानसहिवरे, ता. नेवासा, जि. अहिल्यानगर,अभिजीत दिलीप भुसाळ, वय ३० वर्ष, धंदा- जे.एन.एम. नर्सिंग, रा. पिंपरी निर्मळ, ता. राहाता, जि. अहिल्यानगर असे सांगीतले. आम्ही गरोदर महिलांकडुन प्रत्येकी १०,००० रुपये घेवुन त्यांची यु.एस.जी. मशीनचे साहयाने गर्भलिंग तपासणी करुन गर्भ मुलाचा आहे की मुलीचा याची त्यांना माहिती देतो असे सांगितले.गर्भवती महिलांना आमच्याकडे तपासणी करीता एजंट अभिजीत भुसाळ याने आणले असल्याचे आरोपी डॉक्टर यांनी सांगीतले. तसेच तेथील गर्भलिंग निदान करण्याकरीता आलेल्या ८ महिलांकडे चौकशी केली असता त्या महिला बीड, संगमनेर, नाशिक, नांदगाव, पुणे येथुन त्यांचे नातेवाईकासह आल्याचे समजले.
दरम्यान घटनास्थळी पंचनामा करण्यात आला असुन त्या ठिकाणी ४,५०,००० रुपयांचे जेल व मशीन, टीशु पेपर, ४ मोबाईल फोन, ५९,०००/- रुपये रोख रक्कम, कागदी चिठ्या, एक सिल्वर रंगाची स्विफ्ट कार नं. एम.एच.१२ एच.व्ही. ९४३६, एक पांढरे रंगाची इटिंगा कार नं.एम.एच.१४ एच.डब्लु. ८६४२, एक लाल रंगाची वॅगनर कार एम.एच.१७ सी.आर ४१६० असा एकुण २४,०९,१००/-किं.चा मुददेमाल जप्त करण्यात आलेला आहे.
८ महिलांचे प्रवरा मेडीकल ट्रस्ट, हॉस्पीटल लोणी येथे वैदयकीय तपासणी केली असता त्या गरोदर असल्याचे आढळून आले आहे. सदर महिलांचे नातेवाईक / पती यांना ताब्यात घेवुन त्यांना अटक करण्यात आली आहे.
गुन्हयातील आरोपी १) डॉ. राहुल आबासाहेब भनगे, वय ३४ वर्ष, धंदा बी.ए.एम.एस. डॉक्टर, रा.भानसहिवरे, ता. नेवासा, जि. अहिल्यानगर २) अभिजीत दिलीप भुसाळ, वय ३० वर्ष, धंदा- जे.एन.एम.नसिंग, रा.पिंपरी निर्मळ, ता. राहाता, जि. अहिल्यानगर यांना अटक केली आहे.
सदरची कारवाई ही मा.श्री. सोमनाथ घार्गे साो, पोलीस अधीक्षक, अहिल्यानगर, श्री. सोमनाथ वाघचौरे, अपर पोलीस अधीक्षक श्रीरामपुर, श्री. जयदत्त भवर, उपविभागीय पोलीस अधिकारी, श्रीरामपुर, मार्गदर्शनाखाली स.पो.नि. युवराज आठरे, पो.स.ई. आशिष चौधरी, म.पो.स.ई. कोमल कुमावत, म.पो.स.ई. बेबी आण्णा शिंदे, पो.हे.कॉ. दादासाहेब लोढे, पो.हे.कॉ. संदिप दरंदले, पो.हे.कॉ. सचिन धनाड, पो.कॉ. अशोक गाडे, पो.कॉ. राजेंद्र बिरदवडे, पो.हे.कॉ. असिर सय्यद, पो.हे.कॉ. साईनाथ राशिनकर, पो.ना. सचिन शेवाळे, पो.कॉ. भोईटे, म.पो.कॉ. मनिषा गिरी यांनी केली आहे.
सर्व 9 आरोपीना आज रोजी कोर्टापुढे हजर केले असता सर्व आरोपींना राहता न्यायालयाने पाच दिवसांची पोलीस कोठडी सुनावली आहे.यातील अटक डॉक्टर व एजंट यांनी यापूर्वी अश्या किती लिंग निदान चाचण्या केल्या आहे? त्यासाठी वापरले जाणारे पोर्टेबल सोनोग्राफी मशीन कुठून बेकायदेशीरपणे खरेदी केले आहे? बाहेर जिल्ह्यातील गरोदर महिलांना याबाबतची माहिती कशी व कोणामार्फतिने दिली? यापूर्वी च्या गरोदर महिलांचे संबंधाने गर्भलिंग निदान केले असेल त्यात पुढे काय झाले?अशा विविध बाबींवर पोलीस कोठडी दरम्यान तपास करण्यात येईल,अशी माहिती अपर पोलीस अधीक्षक सोमनाथ वाघचौरे यांनी दिली.
