श्रीरामपूर-
श्रीरामपूर नगरपरिषद निवडणुकीसाठी दाखल २७४ उमेदवारी अर्जांपैकी २७ उमेदवारांनी आज उमेदवारी अर्ज माघार घेण्याच्या दिवशी माघार घेतली आहे. आता नगराध्यक्षपदासाठी ९ तर नगरसेवकपदासाठी १४८ उमेदवार निवडणूकीच्या रिंगणात कायम राहिले आहेत. नगराध्यक्षपदाच्या लढतीत काँग्रेस, भाजप, शिवसेना (शिंदे) व शिवसेना(उबाठा) या पक्षांचे उमेदवार आमनेसामने असून त्यांनी जोरदार तयारी सुरू केली आहे.
श्रीरामपूर नगरपालिका निवडणूकिसाठी आज उमेदवारी अर्ज माघारी घेण्याची अंतिम मुदत होती. नगरसेवकपदासाठी काँग्रेस व भाजप यांनी प्रत्येकी ३४, शिवसेना (शिंदे गट) ने ३२, तर शिवसेना (ठाकरे गट) ने ११ जागांवर उमेदवार उभे केले आहेत.नगराध्यक्षपदासाठी उमेदवारी अर्ज दाखल केलेल्या एकूण १० उमेदवारांपैकी अपक्ष उमेदवार निलोफर पटेल यांनी माघार घेतल्याने आता ९ उमेदवार नगराध्यक्ष पदाच्या निवडणूकीच्या रिंगणात राहिले आहेत. यामध्ये वसंत कोल्हे, प्रकाश चित्ते (शिवसेना-शिंदे गट), अशोक थोरे (शिवसेना-ठाकरे गट), श्रीनिवास बिहाणी (भाजप), निलेश भालेराव (अपक्ष), जोएफ शेख (समाजवादी), आकाश शेंडे (बीएसपी), करण ससाणे (काँग्रेस) व चरण त्रिभुवन (वंचित बहुजन आघाडी) यांचा समावेश आहे.नगरसेवक पदासाठी विविध प्रभागांतून २७ माघारी नोंदवण्यात आल्या असून माघारीनंतर १४८ उमेदवार निवडणूक रिंगणात राहिले आहेत.दरम्यान आता श्रीरामपूर नगरपालिका निवडणूकीचे चित्र जवळपास स्पष्ट झाले असून उमेदवारांना प्रचारासाठी उणेपूरे 10 ते 12 दिवस मिळणार आहेत. त्यामुळे नगराध्यक्ष पदासह नगरसेवक पदासाठी निवडणूक रिंगणात असलेल्या उमेदवारांना मतदारांपर्यंत पोहचण्यासाठी प्रयत्नांची शिकस्त करावी लागणार आहे.
प्रभागनिहाय माघारी पुढीलप्रमाणे—
१-अ : सोनवणे जनार्धन
२-ब : पठाण जावेद जब्बार
३-अ : ढोकणे सुनीता रामदास
३-ब : शिंदे बाळासाहेब अर्जुन, यादव विशाल बिपीनचंद्र
४-अ : खान शेहरोज मुस्ताफा
४-ब : पंडित रोमा रवींद्र
६-अ : शाह अफरोज फिरोज
6-ब : नर्गिस मुक्तार मन्यार
८-अ : शाह ताहेरा मुक्तार
९-ब : अंभोरे भारती
१०-अ : पोटे ऋतुजा सुभाष, रोकडे पेरुबाई बबन
१०-ब : जाधव उकास आण्णासाहेब, चव्हाण देविदास काशिनाथ, खिलारी कविता रवींद्र, कदम सोमनाथ फक्कड
१२-अ : नंदूबाई कडू शेलार
१२-ब : छल्लारे शिवानी संजय
१३-ब : माटा विवेक पारसकुमार
१४-अ : साळवे संजू नाना
१४-ब : माटा दीपाली पारसकुमार
१५-ब : खोसरे वनिता बाबासाहेब
१६-अ : डोखे युवराज सुरेश
१६-ब : जाधव स्वप्नील संजय
१७-ब : कुऱ्हे प्रमोद खंडू
