श्रीरामपूर-
शिर्डी शहरातील हॉटेल क्रांती या हॉटेलमध्ये वेश्याव्यवसाय सुरू असल्याची गोपनीय माहिती पोलिसांना मिळाली होती.त्यावरून पोलिसांच्या पथकाने या हॉटेलवर छापा टाकून हॉटेल चालक व मालक यांच्याविरुद्ध शिर्डी पोलीस स्टेशन या ठिकाणी अनैतिक व्यापार प्रतिबंध अधिनियम कलम 3,4,5,7,8 अन्वये गुन्हा दाखल केला आहे.या कारवाईत घटनास्थळावरून सुमारे 32 हजार 280 रुपयांचा मुद्देमालही पोलिसांनी जप्त केला आहे.अपर पोलीस अधीक्षक सोमनाथ वाघचौरे यांच्या आदेशानुसार ही कारवाई करण्यात आली.श्री. वाघचौरे यांनी अपर पोलीस अधीक्षक कार्यालय येथील पोलीस उपनिरीक्षक श्री.खोंडे यांना सदर प्रकरणी कारवाई करण्याचे आदेश दिले होते.त्यानुसार पोलीस उपनिरीक्षक श्री.खोंडे यांनी संबंधित हॉटेलमध्ये बोगस ग्राहक पाठवून वेश्या व्यवसाय चालू असण्याची बाबतची खात्री केली असता सदर हॉटेलमध्ये वेश्या व्यवसाय सुरु असल्याबाबतची पोलीस पथकाची खात्री पटली. त्या अनुषंगाने छापा टाकला असता सदर हॉटेलमध्ये दोन पिडित महिला मिळून आल्या असून सदर पीडित महिलांची वैद्यकीय तपासणी करून त्यांना निवारागृहात पाठवण्यात आले आहे.तसेच वेश्या व्यवसायावर उपजीविका करणारे हॉटेल चालक व मालक यांच्या विरुद्ध शिर्डी पोलीस स्टेशन या ठिकाणी अनैतिक व्यापार प्रतिबंध अधिनियम कलम 3,4,5,7,8 अन्वये गुन्हा नोंद करण्यात आलेला आहे. घटनास्थळावरून सुमारे 32 हजार 280 रुपयांचा मुद्देमाल जप्त करण्यात आलेला आहे.गुन्ह्याचा पुढील तपास शिर्डी पोलीस स्टेशन या ठिकाणी पोलीस निरीक्षक रणजीत गलांडे हे करत आहे.
